有人追求自己，當然係一件好事啦。但係如果追求自己三次都係同一個人既話，又係咪一件好事呢？？

我0係幾個月前，識左一個男仔(K仔)，開頭都只不過係傾0下電話，當大家係朋友~
但相處耐左，佢開始同我講出佢心裡面既說話~~~~~~~~~
有一晚，我同佢傾傾0下電話，佢突然間同我講話鍾意我，我真係唔知應該作出咩反應好？不過，我最後都係拒絕左佢，並唔係因為佢唔靚仔喎，而係我唔想改變而家既生活。
0係0個一刻，我真係唔想拍拖住，仲好想享受單身人既生活，所以我寧願傷佢一次，都唔想開始左之後先後悔。

0個次之後，我同K仔仍然保持住朋友既關係。0係呢段期間，我同左另外一個男仔拍拖，但好快就結束左，而我亦因為呢次結束受到好大既傷害。
幾日後，我0係ICQ度見到K仔ONLINE ，傾左幾句，佢又突然SEND 左句" I LOVE U "比我，我再一次拒絕左佢，今次既理由同上一次並唔一樣，我之所以拒絕佢，係因為我怕比人再一次玩弄自己既感情，我為左保護自己，再一次令佢受到傷害。

雖然我傷左佢兩次，但佢仍然對我好好，每當我唔開心既時候，都仲會有佢0係我身邊，我開始比佢所做既野而感動，仲開始愛上佢。0係一次偶然既情況下，佢再一次向我提出追求.......

本應可以有好既結果既，但經過我地考慮之後，我地最後都係決定唔開始呢段愛情。
我地之所以唔開始，係因為我地既性格太相似，兩個都太被動，只適合做朋友、知己。

而家，我同佢成為左好好既朋友，佢當初既決定係正確架!!我都會覺得做佢既朋友好過做佢既情人^^