4月7日 晴

第一次係internet 寫日記, 既有特別又有另一種滋味. 上年尾開始有寫日記習慣, 不過好快就冇再寫落去.
我永遠都覺得寫日記0既人係好孤獨, 自閉, 唔肯講野俾朋友知. 以前我肯定話呢種人要豁達開朗, 唔好收埋自己. 估唔到而家竟然自己做左個種人. 唔係我唔想講心事俾人知, 不過係朋友唔太領略我既感受. 倒不如唔講會好d 啦!

最近識左個女仔, 佢好nice, 好好傾! 差唔多次次見到佢就同佢chat 足成5-6 hrs. 從來都未試過為左同net fd傾計而等人.
同佢相識得太偶然, 太特別! 永遠都唔會有人知呢個相識關係, 除左我同佢.
有佢係度, 腦海就自然湧出好多好多話題好似講極都唔完. 就算係訓覺, 都係咁諗topic, 我好驚我再冇話題個陣, 佢就唔會再應我, 慢慢就會淡忘.....直到失去聯絡. 真係怕有呢一日0既出現, 因為曾經試過, 曾經hurt 過, 唔想再有呢一日出現.
大家都講左好多好多私人事.有好, 有壞;有喜, 有悲. 唔知點解敢講出黎, 總之見到大家就係咁講, 亂咁講. 大家0既隔膜好似消失, 唔再話講野就下就下, 直直接接, 總之係事實就講, 冇吹水之嫌. 可能大家未直接見過面啦, 或者見過之後又另一種感覺.
唔係諗得人地好衰, 係怕人地嫌棄我, 怕佢唔睬我.
我怕! 怕人地唔睬我, 怕人地嫌棄我, 怕人地會用另類眼光睇我, 怕人地口不對心為左等我冇咁hurt. 而家帶有一種又神秘又怯既想法想見佢真人一面. 唉......
又要驚又想見, 搞到自己成個小朋友心態.
佢有bf ^_^ ,都應該既! 咁好咁乖0既女仔冇bf 太浪費啦! 做佢男朋友真幸福, 開心. 希望佢bf 都珍惜人地啦!

p.s.
今日日記搞到好似為佢而寫tim! ^0^
仲有, 幾時先搵下人傾電話架! take 左個no. 咁耐都唔搵下人! 扁咀架!
見到我記住叫我呀!! 等我認下你個樣都好呀!
friendship forever !
祝你同bf開心快樂生活!!!!!