前排睇返套<我的野蠻女友>,有一段講到個女主角去相睇,個男主角襯全知賢走開o既時侯同對方講如果溝佢要有幾瓣戒條要注意,
1.同佢飲o野要飲啡,唔可以飲可樂橙汁;2.俾佢打時要裝作很痛,真係痛時又要扮作唔覺痛;3.同佢一齊唔好要佢溫柔;4.同佢行街如果佢行到腳痛o既話要同佢換鞋著;5.佢好鍾意寫字,一定要隻字不漏睇晒成篇文章,如果唔係會被殺;6.同佢拍拖第一百日要o係眾人面前送玫瑰花......
(仲有數佢但唯忘) 之後全知賢談及原來佢男朋友死,佢試可唔可以車太賢身上搵返佢o既影子,點知男主角做到不特止,她仲開始愈來愈鍾意佢,但卻換來愈愛愈痛苦,於是愛到慶起o個時就講分手,相約兩年後再見,但全知賢因為真係忘記唔到佢死o既男朋友,足足遲多一年先去再到約定地方搵返男主角,但唯一連聯絡佢o既方法都搵唔到,天網灰灰無人相助......
呢幕我諗係成套戲精髓,睇完我都戥男主角咁偉大,個全知賢咁橫斑斑都可以容忍佢,個車太賢直頭用死心塌地o黎形容佢,包容晒佢d臭脾氣......
我以前亦都有一個幾野蠻o既女朋友,不過調返轉佢好痛錫我,而我一直可能視之為習慣,有o既時候就冇去珍惜,到對方心淡令佢一次又一次失望o既時候,再加上同時有第三者介入,要諗辨法去挽救已經太遲lu,係天皇都冇面俾o個隻,尤其女人一變心去到勁絕都可以,所以奉勸各位現今拍拖或結婚o既情侶,無論對方有咩缺點同脾氣都好都要包容,將缺點視之為優點,真係鍾意對方就要珍惜眼前人,唔好隨手擺埋一邊唔理ar,唔好以為拍得耐拖打好晒基底就唔使理人,因為愛對方就好似係身體o既一部份,融入生活一部份,正如您唔用隻手一段時間又得唔得?相愛對方係冇時間停頓,一係就唔愛,一係就愛得徹徹底底,今生無悔......唔知我o係咪要學全知賢咁分開2~3年唔見對方先可以忘記佢??愛一個人係好容易,但忘記一個人係冇乜可能o既事,唯一方法就係用時間o黎沖淡過去,因為時間就係治療心靈創傷o既最佳療物,但呢段時間唔知做咩好呢???忘記,忘記....