4月9日凌晨12:59

已經唔記得第幾晚失眠, 總之個心好酸好hurt好痛. 自己係完全feel到個心係喊緊, 喊到停唔到, 喊到表情都唔可以掩飾. 我承諾過唔可以喊係朋友面前, 我怕而家可能做唔到.


自從過左新年之後, 成個人都變左, 變到自己都唔可以接受, 變到...就好似已經唔再係自己, 眼前見到0既我都只是一個軀殼, 靈魂唔知何時何地消失左. 自己反覆問自己究竟點解變成會咁. 我越來越怕自己, 越來越驚自己, 但係......冇人知要怕咩, 要驚咩. 連自己都唔知.


今晚同左好多女仔icq, 佢地都有共同點-------就係有bf. 唔知點解好多人怕識呢d女仔, may be 佢地覺得冇機會去發展啦! 我反而會更加想去識, 不過又唔可以識得太多, 因為我只係想係佢地身上感受愛情氣氛, 不過又唔可以動情, 因為自己會變左第三者, 況且自己唔會and 唔允許自己做啦! 其實咁做係好傷自己內心, 不過我堅持要做, 我怕有日自己變得性冷感. 唯有藉呢個方法暫時維持冇gf 0既日子.

今晚我決定左放棄zoie(即係自己想同佢一齊個個女仔), 雖然等左幾個月,到而家都唔可以開始, 直到要give up係好hurt好hurt, but 我都堅決決定. 其實唔會因為放棄佢就會放鬆好多, 反而我會更心痛.


愛情------俾足心機未必有好結果, 我認同. but唔代表我會俾少d心機, 反而俾以前仲多. 朋友講左個好笑0既答案: 買馬果時夠比足心機睇啦! 呢個比喻有d好笑. 唔係笑佢幼稚, 係佢都幾識引我笑呀!
我只係答番一句: 而家係拍拖, 唔係買馬咁兒嬉.


愛情係認真! 唔係遊戲!
珍惜眼前人!