4月11日 凌晨12:27 雨

尋日開始對mock paper. 冇期望會有科目合格, 因為我都係求奇''應戰'', 誰不知有喜有悲, maths 居然pass! 自從中學生涯都未試過pass, 估唔到而家可以嘗試這種滋味; 不過以為會好好成績0既comm. 就fail 啦, 仲要俾身邊一個好朋友0既分數嚇窒! 今日派左中史同中文, 兩科都合格, 真係咁大個人都未試過咁多主科pass! 真係唔信自己會考到咁0既成績!

見到成績好係應該開心, 不過都只限於表面, 內心傷痛都係彌補唔到.

放學之後就走去睇戲, 趁有空閒時間就用幾蚊去玩下心理小遊戲. 點知結果係足以破壞成日自己心情......
初初大家唔敢玩, 我就毛遂自薦, 衝左去玩啦! 得出結果係:
''生命是個痛疾,只有愛情和友誼才是上佳的麻醉藥.''
呢番話完完全全擊中內心最傷處! 對於一個對生命冇希望, 冇將來, 受愛情嚴重創傷, 同朋友冇互相信任0既我去試下搵方法做支撐自己, 真係...痛得好應呀! 簡直同一把刀插落心口冇分別, 點會連遊戲都會咁認真架!?

我唔信邪, 再玩另一款. 點知結果係...
'' 友誼愛情兩失意, 得10分!'' 嘩! 唔係邪野呀, 呢次唔信都唔得啦. 我.......叫人仲邊會再扮到開心樣出黎呀! 我帶住呢個接受事實0既心情入去睇戲.

入到去, 腦海中依然離不開之前d games結果, 再帶住疲倦身軀, 加上我唔太喜歡套戲啦. 純粹只係為左陪朋友. 搞到成個人陷入混亂狀態, 想訓又唔訓, 想睇又冇心睇. 唉.......

今晚有人同我講'' 你俾唔到我少少信心去信任你!'' 究竟咩係信心? 點樣先叫做信心? 我冇答佢! 因為而家自己對自己都冇信心, 仲點可以俾到信心人地?
+_+