唔知由邊道開始,剛剛想起葵盛圍,一於就由葵盛圍開始....

我所有記憶,可以能真係由葵盛圍開始...三歲那年:我個妹係賽馬會診所出世,係我現有記得既最早回憶.,而五歲:幼稚園運動會又係葵盛圍(幼稚園唯一一次運動會,所以好記得),同年我升到官小(荃灣官立小學,當時每年有80個學生可以直入荃灣官立中學....荃官...荃灣至出名的中學,每個荃灣家長都想自己仔女入讀,)為了慶祝這件盛事,我全家係葵盛YMCA食了一餐好開心0既晚餐(當時...一家四口,有車又有樓,仲可以養埋汪汪狗),之後過左四年好心好開0既0既小學生活(我重記得,每馮第一個小息,我阿媽都會買野黎比我食,但係每次都係0係對面"味香江"買既魚蛋同燒賣,不過都幾好食)........

小學五年級我比學校簡中去下葵涌中學參加一個考試,同年屋企大變,爸媽分開了,還好仲有好疼我同妹妹的姑媽,但係我開始冇心機讀書,成績當然大跌,小學六年級下學期,學校放磅,好多朋友都入到第一志願,為獨是我,我都唔記得顧超文我係填第幾志願....總之係好後好後....但係我好好彩,原來顧超文都係一間唔錯的中學(當然同我第一志願相差什遠)我也要同我的小學朋友分開.....仲有她....(她...是一個好男仔頭的女仔...長頭髮..說話有些少痴利筋...成日煩住我...我都成日煩佢..大家都好傻瓜...但係大家都鍾意大家)

顧超文,起初我好討厭這所學校,因為全間官小只得我升到這裡,(什麼朋友也沒有,只得我一個)就係我當時感受...一個新環境既改變,只得一個人,感覺唔好受....幸好~~~我好快就識到一班好好既朋友,雖然佢地成日當我傻0下傻0下,但總算對我不錯.之後三年我都係~~~(每日返學等放學,放學就去踢波),正因如此,頭三年我既成績都係得過且過,有功課唔交,有project唔做,上堂就傾計,訓覺當然係小不面嫁啦,所以我每年都要補考,但係我都可以一直升到中三.........真係奇怪!!!!!!

好快到了中三下學期,我當然又要補考啦~~~失敗！！要留班！！我終於得到教訓啦.其實留班對我來說可能係好事,我又開始讀返書(雖然都唔係好努力),但係之前hair左五年,要追返五年黎所學既野,真係談何容易丫,所以我既成績都係麻麻,中四五我亦都搵到新目標(我指女仔),為獨是她....我唔夠膽同佢說話..可能佢成績太好...我有點兒自卑....(自卑感...唔知幾時開始...我有好重既自卑感)但係我想叻過佢,我要同佢升中六,我要佢對我另眼相看,為了這個目標...我努力過.失望過.失敗過........(另一個她....我覺得佢會係一個好強...好爽朗...好自立既女仔...佢將來可能會係個女強人....我覺得)

「我係一枝箭,一發出就無得回頭,直至命中目標.」
一本我鍾意既書所寫,有些少似我既性格,但係我好小中目標,通常都射斜.....

剛剛會考完畢,好錫我既姑媽入左醫院......好驚,真係好驚佢有事.......(我姑媽...好人,好好人,真係真係好好人,唔知點解佢咁耐都唔結婚,雖然佢有時橫不講理,但係佢真係對我好好嫁,一早要返工,放工仲要照顧我同個妹起居飲食(百厭猩,專係破壞,永冇建設...我公公..成日都敢話佢d孫仔),佢只係我姑媽,唔係我阿媽,都照顧左我差唔多十年....我阿媽都冇照顧我咁耐....「我唔係想話我媽媽....佢都好好...只不過係比喻」)

唔覺唔覺,又過左兩年,終於讀完中五,我梗係冇得升中六,有些少失望嫁,而我當時煩緊好多野,有些少日理萬機既感覺..過左去我先至敢講...當時真係好慌~~~我又搬左去上水,好至比人放續敢,同葵盛圍更可以算係天各一方,９月１０IVE第三次輪選,終於有我IDCARD NO 係報紙出現,有書讀啦,果時開心嫁,本身我諗住會係沙田讀,但係佢又要去返葵盛讀....嘩嘩...上水出葵盛返學....痴線嫁...個幾鍾頭車....車錢又貴喎,真係唔得佢死~~~~所以我成日都唔返學,同埋有好多野我都學過既,又悶喎.....我至怕悶....

到左11月尾,我搬返出黎,石蔭呀~~~~好開心呀....去邊道都好方便,唔洗好至自閉敢...(其實上水幾好住嫁,如果自己有架車出入,唔洗搭巴士,仲有要得自己住既話)

好快敢就到左今晚啦.....其間當然發生好多事啦...有開心...有唔開心....係點都唔打緊啦...最重要係我姑媽出返院...雖然唔係同我一齊住(其實仲好...唔洗比我激佢)....
2002年到依家...一切還好(一切還好...一個好特別既icq朋友常說...他是一個怪人...但怪得黎我幾鐘意佢既性格)以後就....自己想點就點啦...我成日都同自己講..想做就去做...以後我都係敢....但係唔知可唔可以做到???????

唔經唔覺就打左咁多字,本身想再打多d....都係唔好lu....會睇到人眼訓.....最仲要係我眼訓....