2002年4月28日1:30pm
通過一個電話訊息
"我地分手吧...做回朋友"
同一齊一年零三個月既男朋友正式分手
其實最近都已經話散
唔係今日既事
只係今次雙方都極決絕

個心痛左數分鐘而流眼淚
總算都叫正式解決
其實應該比所謂既分手時間
更早已經分左手
拉拉扯扯起到糾纏既關係
已經維持差唔多一年
只係大家不斷比藉口自己...
其實...比藉口既可能得我自己
分手真係講過太多次
多到數唔到
...
忍受唔到佢對我莫不關心
忍受唔到佢忍心傷我
忍受唔到令我痛哭都仍然坐視不理
忍受唔到佢經常順口開海
忍受唔到佢愛理不理
忍受唔到佢對其他人
甚至對ball鞋.一件衫都比我好億倍
忍受唔到佢經常呃我
忍受唔到佢既愛情觀
忍受唔到佢既蠻不講理
忍受唔到...
佢完全無做過男朋友應做既責任...
可惜佢丁點都唔覺自己有問題
佢無諗過我
我真係改變左好多好多
亦或者...佢覺得全部都係我問題
覺得我比起人地既女朋友
唔夠索.唔可愛.唔體諒.唔溫柔.
唔善解人意.把喳惡死.刁蠻任性..
又可能以上全部唔正確
可能簡單一個"厭"字
拉拉扯扯因為有感情.唔捨得
但好sure唔係愛
愛情...
原來唔經唔覺種左起另一個身上
埋伏起內心深處
只係一路有所謂既舊男朋友
因為佢比我既傷心導致自己唔清醒
依家痛完反而令我醒覺
雖然無得好似人地咁手牽手行街
唔好講攬攬錫錫
就連見面都有困難
不過果顆心
反而比起以往既感覺更真更強烈
亦唔會因為對方對我既感覺係點
而郁下就話唔鐘意佢
諗反起之前既哭哭啼啼
拉拉扯扯要生要死
係好差勁既愛情