最近我做左好多唔應該做既事；
鍾意左一個唔應該鍾意既人
等一個唔應該等既所謂機會
浪費左一Ｄ唔應該浪費既時間
諗埋一Ｄ唔應該諗既野
去左一Ｄ唔應該去既地方
食左一Ｄ唔應該食既野
返左一個唔應該返既屋企
同埋上過一張唔應該上既床
然後大家做左好多唔應該做既事
之後，大家都覺得唔應該咁再繼續落去
唔知自己想點
淨係知道自己唔想點

例如唔想俾其他人知道我同佢之間既事啦
唔想大家走黎去去唔知為左乜
唔想你搵我，我搵你
唔想唔誠實啦，
唔坦白，唔見得光，
唔想有秘密
都唔係好想知道大家有幾咁鍾意對方

總之高興就得喇

我唔想太認真啦
但都唔想玩玩下
我都唔係好想知道一Ｄ我唔應該知道既事
其實我同佢係應該見少Ｄ面好Ｄ

唔應該鍾意
唔應該傷害
唔應該發生
唔應該開始
唔應該結束
我知，我唔應該再搵佢
但係我又好想知道
她會唔會因為我而唔開心，
每逢得我一個人個時，
我就諗

我到底自己想點樣

最近我好鍾意一個人
自己一個人
一個人四圍去
一個人開工
一個人收工
一個人去食飯
一個人去飲野
一個人躲係屋企
亂按遙控
夜晚一個人上網
一個人打機
一個人去做ＧＹＭ
一個人去卡啦ＯＫ
一個人去睇戲
一個人砌下模型
星期六晚，
一個人去ＰＡＲＴＹ
然後
一個人聽歌，
一個人跳舞，
一個人流汗，
一個人離開，
一個人上車，
跟住，
一個人返屋企
一個人開心唔開心，大笑大叫
連續好多日都係
一個人
一個人有個好處，就係
不使負責任
不使揹包袱
每日二十四小時都係自己既

個世間幾時開始幾時停，
完全係我一個人話事
我鍾意去邊就去邊
做乜野就做乜野
諗乜野就諗乜野
我鍾意點就點
總之，我鍾意就得

我鍾意一個人

其實我唔係好肯定
我鍾意一個人定係兩個人
有件事，我一路都搞唔清楚
就係我到底同佢一齊開心Ｄ丫，
定係自己一個人開心Ｄ。

呢個問題
似乎一個人係搵唔到答案

最近我時時都係一個人
得返一個人
無無聊聊又一個人
行行企企一個人
開心唔開心都係一個人

自己，一個人
諗起兩個人既畫面。

我地一齊食飯，一齊行街，
一齊返屋企，一齊生活
用同一條毛巾
用同一隻水杯飲同一啖水
上同一張床
一齊開心
一齊開始，一齊停
跟住，又一齊去食飯
一齊行街，一齊過馬路
一齊停低，一齊返屋企
用停一個洗手間
上返同一張床
做返同樣既動作
一齊無無聊聊又一個下晝。
跟住一齊睇ＶＣＤ，
一齊小睡
一齊諗下將來
一齊傾計
一齊諗下之前發生乜事
一齊諗下之後又發生乜事

到底應唔應該一個人呢？
定係兩個人好Ｄ呢？
一個人開心Ｄ？
定係兩個人開心Ｄ？

一個人
定兩個人