覺得全部人都好似好假咁,覺得朋友係互相利用, o甘係太過悲觀
正如人通常善於開解別人, 但係開解唔度自己,
所以今日我見度你唔開心, 我開解你, 第日我唔開心, 你又開解番我, o甘係咪叫互相利用呢?
我覺得呢d係友情可貴o既地方, 唔係互相利用, 應該叫互相幫助

覺得其他人好似好假
最經典係靚女覺得人讚佢好假, 覺得o甘做係想討好你
你點知其他人係咪真係o甘覺得呢? 或者自己唔覺得自己真係o甘好
但係正所謂各花入各眼, 好唔好o既準則係好主觀, 每個人都唔同
舉個例, 我覺得我o既偶像,阿miki 真係極靚極吸引, 我成日都讚佢,
佢成日覺得我誇(唔知有無覺得我假?), 係, 我係會想做任何o野去討好佢
但係我唔係無o野搵o野o黎講, 我係真心o甘覺得,
佢對我o黎講的而且確就係天上有地下無
係因為忍唔住想讚而讚
就算有人真係特登討好你, 起碼佢一定真係欣賞你, 唔係根本唔會想討好你

當然一定有真係假, 真係只想利用你o既人, 但係唔好為o左o甘而對所有人
失去信心, 識一個人耐d, 認識佢再多d,然後先下決定吧