「愛」呢個字其實o係語意上幾 ambiguous，佢可以解「鍾意」，但係「鍾意」並唔係
一個好充分既解釋，唔知點解好多人成日以為自己已經好「愛」一個人，卻不明白佢地
所講既「愛」其實仲係好膚淺同自私果種「鍾意」...

如果一定要區分「愛」同一般既「鍾意」，我會咁去定義：
（你地睇下自己似邊種多ｄ？)


純粹「鍾意」一個人的感覺....

- 覺得佢好正，希望可以得到佢...
- 同佢一齊好開心, 好有 feel...
- 成日都好掛住佢，好想成日見到佢...
- 好想佔有佢，見到佢同其他人行得埋既時候我會唔開心...
- 如果佢已經係我男／女朋友的話，我會有ｄ介意佢同其他異性既來往...
- 我會在乎佢對我好唔好，肯唔肯花時間／心思o係自己身上...
- 如果佢已經係我男／女朋友，代表佢已經承諾以後同我一齊，變心的話就係佢唔o岩
...
- 假如佢有第三者而離開我的話，我會好討厭果個第三者，甚至討厭埋佢...


真正「愛」一個人既時候...

- 總之見到佢開心，我自己就會好開心...
- 我會努力工作﹑提昇自己，係為左比佢一個更好既將來...
- 我不在乎佢對我好唔好，只係希望佢繼續比機會我對佢好就夠了...
- 我去追求佢，希望成為佢既男／女朋友，係因為我有信心自己有能力帶比佢幸福快
樂，否則即使大家鍾意大家，我都唔會開始呢段感情...
- 如果我確定自己再唔能夠帶比佢幸福的話，可能我會離開佢..
- 見到佢搵到一個真係愛佢，而且對佢好好既男／女朋友，我會真係覺得開心...
- 如果佢已經係我男／女朋友的話，我會覺得佢應該有自己既社交圈子，即使我明知佢
身邊有其他人在追求佢，我亦唔介意...
- 即使佢已經係我男／女朋友，佢都冇責任要永遠留o係我身邊，如果我希望佢永遠同
自己一齊的話，我只有努力令自己永遠都係佢既最佳選擇...
- 假如佢有第三者而離開我的話，我會祝福佢地，希望那個第三者今後會好好照顧她
...


簡單黎講，真正「愛」一個人，所有想法應該以對方為本，而唔係以自己為中心既...