從前,有個女仔有一日病左,有個男仔o係個女仔屋企既樓下,

買左碗粥俾佢食,個女仔覺得,依碗粥係全世界最好食既粥...

第二日佢巢返碗粥既膠袋黎睇,佢唔信就o係屋企樓下,

成日幫襯果間鋪頭買既,於是,佢落去樓下再食一次...

個女仔落到粥鋪,發覺今日既粥,好難食,佢同自己講無理由既,

尋日果碗一定係o係第二道買既,亦都有可能係個男仔親手煮既...

佢甚至好憎o係鋪頭食緊粥既人,而由果日開始堅持每日都要食粥,

同時,亦都好迷失,究竟所有既粥,艇仔,豬紅,牛肉粥,

其實都係一樣味道丫,定還是係每碗艇仔粥既味道,

都唔係一樣呢...

終於,個女仔食暈晒所有粥店既粥,都食唔返最初果碗粥咁好味,

仲越食越難食添,無晒胃口之後,佢忽然醒起,有粥食粥,

有飯食飯,唔一定要同人爭食粥,就算唔食飯,都可以食麵,

仲可以揀食稻庭麵啦,擔擔麵啦,再唔係食煙袓希牙都得既...

依個故事教訓我地,病緊既時候,粥唔只係一碗粥,

但係o係好返既時候,粥只係一碗粥,可以食,可以唔食...

當然,粥並唔可以亂食,唔好以為食粥唔會上隱呀...