O係一個位處遙遠既小島上，生長著一個小孩。而呢個小孩從不害怕苦悶，因為
島上還生長著一棵蘋果樹。每天，這小孩都以這棵蘋果樹上的香甜蘋果作糧食，
而每當這個小孩感到悶，蘋果樹便會用牠身上既樹枝作鞦千俾小孩盪......每當
陽光晒既時候,小孩都會係蘋果樹下乘涼...佢好鐘意呢棵樹，而呢棵樹亦好鐘意
佢…而只要小孩唔開心,失落,蘋果樹又總會不停搖著自己既樹身，把自己身上既
樹葉搖下，令小孩開心......

漸漸，小孩一天天地長大......有一天，小孩樣子好唔開心，他走到蘋果樹面，
而呢棵蘋果樹同佢講：「小朋友小朋友，黎玩呀。」小朋友話：「我已經唔再係
小朋友喇，唔再玩嫁喇，我要一D真真實實既玩具，但我冇錢買呀。」蘋果樹就
話︰「我都冇錢播，不如咁啦，你摘晒我D蘋果落黎賣，咪有錢囉。」小朋友好
開心，即刻爬上樹上面摘晒D蘋果，好開心咁走左，之後唔再番黎喇…

好耐之後，有一日，小朋友又番黎，樹好開心：「小朋友你番黎喇，同我玩呀小
朋友！」小朋友就話︰「我已經唔係小朋友喇，我大個，我要搵錢養屋企，要買
樓，但係我冇錢呀，你可唔可以幫我呀？」樹就話喇︰「對唔住呀，我都冇樓
喎，不如咁啦，你斬晒我D樹枝落黎，去做間屋啦。」於是呢個唔再係小朋友既
青年，就斬斬斬斬，斬晒D樹枝落黎，剩番光禿禿既樹幹，然之後好開心咁走左，
唔再番黎喇…

一個夏天，呢個人又番到黎，果棵樹認得佢，於是就話：「呀你黎玩啦你黎玩
啦！」於是呢個人就答︰「我好唔開心呀，我都已經咁大喇，又冇野做，好想
去遊船河呀，好想擁有自己既遊艇，你可唔可以比隻船我呀？」呢棵蘋果樹就
話︰「我都冇船喎，我蘋果已經比晒你，樹枝亦都比你斬晒，不如咁啦，你就
斬左我身上既大樹幹，去造條船啦。」然之後呢個人，就斬左蘋果樹既樹幹落
黎造左一條船，就好耐都冇再番黎…

呢棵蘋果樹孤獨咁企左係呢個地方等左好多年，終於有一日，呢個人出現喇，
但係蘋果樹同佢講：「我既朋友，我已經冇野可以比你喇，蘋果，樹枝，樹幹，
乜都冇喇，而家只係剩番一個枯乾既老樹頭姐......」於是呢個老人就話：「唔
緊要啦，我又冇牙食蘋果，又唔需要船，只係想搵個地方休息下姐......」呢
一棵即將枯死既樹好開心咁話：「你終於都需要我拿，我好開心呀，來吧，你
就坐左我這棵老樹頭上好好休息吧......」



故事就到呢度喇，大家有冇感到故事中兩位主角好像誰呢?

小孩就是意會我們小時候，而蘋果樹就係我地既父母...

我們小時候，好喜歡和父母玩，我們肚餓，他們總會給我們食物；我們悶時，
他們總會用方法我們開心；我們有任何需求，他們總會無條件地為我們付
出......

而當我們長大後，就會離開，去搵我們需要的東西，漸漸開始少與他們溝通，
但往往我們失意、我們有需要時才找他們，回到他們身邊，他們卻又總是在我
們身邊安慰我們、幫助我們.......但我們又有冇留意，當他們唔開心，當他
們需要人關心，當他們想見我們既時候，我們又在那裡呢......父母就是如此
愛錫他們的子女，可能在心，可能在行動...

可能你會覺得呢個小朋友對呢棵樹好殘忍，但我們又會唔會用緊同樣既手法對
緊自己既父母而唔覺呢…但我相信，每當我們有需要時，他們總是對我們不離
不棄.......我們就在他們仍在生時好好關心同愛錫他們吧......