愛, 其實唔單指愛情, 仲有友情同親情等等. 咁愛有幾簡單? 愛就係關心別人囉! 關心別人咪就是對別人好, 跟著你就會因為別人既快樂而使到自己開心囉!

愛換句話說, 就係做一個好人. 你會為你既另一半, 包括朋友, 愛侶和親人所付出. 但係當你發覺你只有付出, 而沒有收穫既時候, 漸漸你就會討厭做好人, 因為你覺得做好人是一件愚蠢既事, 沒有回報, 十分痛苦, 情況就好似而家既我一樣.
而家既我, 付出了很多, (我自己覺得) 但係就得不到應有既回報. 我講既, 並唔係一對一既回報, 而只係希望有回報. 換句話說, 當你付出了100%既時候, 你當然知道沒有可能100%既收穫, 咁50%都有掛! 但係我覺得自己既回報, 最多咪得30%!

唔知係咪因為自己既觀點不同, 太過期望回報, 所以經常失望. 就係因為咁, 我開始唔想做一個好人, 當然亦唔係做壞人啦! 我開始為自己著想, 以前考慮一件事, 可能係70%考慮別人既感受. 而家, 可能只有50%, 或更少! 例如以前朋友有活動搞, 通常我都一定會去, 唔會理自己到時玩得開唔開心. 但近期你會發現, 我已推掉了數次朋友既約會, 而寧願留在家. 我想, 我自己真的變了!

係呢到我要同那些給我推掉的朋友說對不起, 其實我唔係唔想去, 只不過我覺得我唔去既話, 我會更加開心, 咁又點解去了一個約會而使自己冇咁開心呢!

最後, 我希望各位可以繼續做好人啦, 因為咁樣代表你有回報嗎!