我一直以為我對人好..人地就會對我好..你同我分手..我唔傷心..唔代表我唔鍾意你.你將責任推0係我身上..我一路都以為係我錯晒.係我悶到你.所以我地感情淡..先至分手...由分手到而家我都係喊過一次...同你一齊..我知有做錯地方我都盡力去改...用盡方法留住你既心..若果係感情淡而分手.我係接受到..尋日終於比我知道分手原因..係你另結新歡..你識到第2個女仔先會咁..咁你當初點解仲同我一齊..半年喇...你只係一句話我對你好你唔知點好..電話都唔打黎同我講分手.只係icq留一句..係你冇勇氣講定係你知係你錯?我當時有話過你叫你打機唔好亂比電話人.我知人同對方傾傾下就好易發生感情..而家發生左喇..我一直咁信你..朋友家人同我講話可能你係有第2個...我堅決唔信.仲維護你..點知分手原因係咁多個之中我最憎令我最傷心既一個..
尋日當我知道左後..我唔識再笑喇...行返屋企條路好長...好辛苦..我不停咁諗..你對我講過既野都係大話..都係呃我..全都係美麗既謊言..我喊左成晚..我0係咁諗你同我去過既地方..又會同叻一個女仔去..冇錯.人都係想搵個最好最靚既另一半..同你一齊令我冇左自我..我0係你既世界微不足道..我唔係想爭取0的乜.即使起返一齊都係冇意思.係我唔識點安慰自己控制我既情緒.今次係第2次喇..我接受唔到..你話過你唔會好似以前男朋友咁對我...再一次重滔覆徹..我個心遺留下一條好深好深既傷痕...
最後..希望你同美美天長地久
盈