「電話」暫時係『你』同我之間可以溝通既唯一一個方法！自從你畢業之後，我只係見過『你』一次咋，仲要係我遠遠咁偷望『你』！當時我見到『你』有即時打俾你架，但係．．．『你』個電話打唔通！0個一晚我再打俾『你』，『你』話係因為個電話冇電所以打唔通，又會咁0岩．．．『你』仲話我同『你』冇緣！或者真係啦～
識左『你』都已經年幾喇～到而家我都唔明『你』點諗！『你』知我鍾意『你』，我亦都成日對『你』講，但係『你』冇一次回答我架！『你』俾我既既感覺就好似我同『你』開緊玩笑一樣！
『你』重記唔記得呀？以前只有我打俾『你』，『你』從來都唔會打俾我架！
自從有一次『你』好唔耐煩咁問我：「乜你唔覺得你咁做好無聊咩？」我講左對唔住收線之後，我就再冇打過俾『你』喇！
因為我有ｄ嬲『你』，同時．．．我唔想『你』討厭我，話唔定『你』好早已經開始討厭我！我只求唔好變得更嚴重姐！但係『你』竟然0係兩個星期之後打返俾我，我好開心，同時都覺得好奇怪！個腦出現左好多「點解」！『你』問我點解唔打俾『你』，我話我唔想俾『你』話我無聊！之後『你』就話我係個小器鬼！正因為依件事，直到今日都係『你』主動打俾我！我到而家都好唔明，難得有一個機會俾『你』擺脫我依個成日打電話煩『你』既人，點解你要搵返我？既然對我冇意思既，點解仲要再搵返我？「或者係『你』唔想冇左個朋友呢～」我有咁諗過，但係『你』曾經話過我唔係『你』既朋友！咁點解『你』重要再搵返我喎？我真係諗唔明！