雖然我唔係一個好叻面對愛情的人,可以話談唔上識咩愛情,但係我對愛情的睇法都有一個唔同人睇法,我唔同意有天長地久的愛情,但係我會鐘意一個人好長的時間,唔係我被咩人傷害過,所以我有咁的睇法,係我覺得以我地依家咁的年紀,冇可能有一個天長地久的愛情,加上我唔信一個人可以鐘意一個人直到永遠,你可以?你對佢一年...五年....十年...五十年....你得嗎?我唔信,咁你會問我,點解有人結婚五十年都係咁好呀?我會同你講一句,你估佢地有冇諗過離開對方?有冇諗過找一個更好的?佢地依家仲係唔係鐘意對方?佢地有冇鐘意過其他人?如果有一個人可以話比我知佢全部都係的話,我信會有永恆的愛,但係好明顯冇人可以做到咁樣,點解佢地會一齊咁耐?我覺得呢個係責任問題,唔係佢地唔想轉一個更好的,係唔得,阿sir都有教,不為者與不能的分別,哈哈,咁樣講法,你會唔會話我傻傻地呢,但係你地有冇諗過,我講的野係冇錯嫁...
鐘意一個人,你會點樣選擇呢?佢的樣貌?身材?錢?我覺得好多野都係其次,你鐘意一個人,最重要係首先你對果個女仔有feel先,好多野係你對佢有feel,之後佢的優點會慢慢出來,唔信?你問一問自己最初初的時候,你係點樣鐘意佢?會唔會覺得佢好啦,咁你慢慢留意佢的一舉一動呢?我鐘意一個人就係咁,如果一開始我對果個人冇feel,咁我諗我都幾難會鐘意佢呢....
一對情侶,有幾多個係兩情相遇?你可以話有,但係有好多好多都係由單方面變到雙方面的,一個人向一個人講鐘意佢,果個人會唔會真係又係最鐘意果個人呢?你估下啦,咁點解佢地會慢慢好落去呢,係因為時間的問題令大家慢慢咁鐘意佢,但係時間一耐,鐘意又會變更,時間真係一個好笑的東西.......
面對你鐘意的人,你會點樣?你想佢點樣呢?你有冇諗過同佢一齊?但係你有冇諗過佢會唔會一定鐘意你呢,會唔會一定接受你呢,咁我想問如果佢唔接受你你會點?其實我覺得你鐘意佢,唔一定係要同佢係一齊,係唔係咁話,你會唔會話我傻呢?可能我真係好傻,但係面對你講左出來可能連朋友都冇得做的話,我諗我會選擇做朋友,鐘意一個人可以有好多方法,我會令佢開心,如果佢見到我的話會覺得唔開心的話,我會係佢的視線消失,呢個係我的感情觀...
有冇人諗過愛情中咩係最慘的呢?唔係分手,唔係單戀,係你向佢表白的時侯佢唔答應你,咁都咪算好慘,最慘係連朋友都冇得做,唔係話咩,佢避開你的時候你仲傷,我有個朋友佢本身同果個女仔好好朋友,點知一表白左之後佢連朋友都冇得做,最慘連見到佢都走開,你話係唔係最慘呢?
當你鐘意的人話比你知你同佢冇機會的時候你會點呢?會唔會等佢呢?定一係找尋新的目標?等~~~係一個好好的選擇,但係有冇諗過當你一直咁等的時候,你會好似好浪費你的時間,佢會唔會知道你係度等佢,一直鐘意佢??佢會唔會回心轉意?當一切的野變得虛幻的時候,一切的等待,會變成無奈...愛又重何而來呢??
對你鐘意的人,你會否對佢付出一切?有冇諗過你對佢付出過乜野?如果你有咁諗的話,我覺得你對佢並不是真的愛情,你鐘意佢,唔會計價你自己付出過乜野,但好可惜,連我都找唔到有一個可以令我咁樣對佢的人,但我只可以話比你知,我所做的一切都係值得,我沒有後悔.........
當感情去到一個絕望的時候,人會選擇放棄,可能放棄係一個最好的辦法,但真的咁容易放棄嗎?時間~~佢可以幫到你,但係係呢段時間,係人生中最冇目標的時候,也是最辛苦的時候,所以我會比自己一個時間,一個比自己辛苦的時間,但對我來講也是最回味的時間
若真的有世界未日,你會做什麼呢?最後的一個鐘,你會怎樣做呢?會唔會找你鐘意的人講比佢知你鐘意佢呢?我會係我所餘下我一個鐘把她殺死,用一個最快的方法殺死佢,因為我唔想佢慢慢咁等佢受到死亡的恐懼,由我來受吧,可能我比較狂,我要做一個係佢有生之年都記得我的人........一個瘋狂的人
有人話愛情係一樣人生唔可以缺小的野,我唔敢話唔係,但係點解每一段愛情開始的時候,總會有一個ending,我唔信有天長地久的愛,但係我信我會在一段長時間去愛一個人,我唔肯定佢會唔會係最好,但係我可以好肯定我最鐘意,我唔肯定我會鐘意佢一生一世,但係我好肯定我只會鐘意佢.......
當你鐘意一個人,會唔會分分鐘都想見到佢?可能你真係好愛佢,但係我兜得如果你分分鐘都要見到的話,我會好快睇慣佢,的覺得追求一個女仔的時候係愛情中最快樂的事,最陶醉係一個幻得幻失的日子,生存總有希望,當你未得到佢的時候,你先會好好珍惜佢,想佢時時都開心...所以當一段感情係未開始的時候係最快樂的...........但當你知道失敗的時候,也是最慘........哈哈~真係得意.......
明天係好天定係下雨,我諗大家都唔知道,但係你可以睇天氣報告(雖然佢好唔準,哈~都係我阿媽的風濕準d),咁你可唔可以話我知,一年之後你地的感情係如何?我唔知,所以係你地還一齊的日子裡面,唔好諗咁多,只要每一分鐘都開心...之後的日子,你我都唔知,冇需要諗將來,活著這一刻是開心就得,只要大家開心就得,冇需要天長地久..比你同佢天長地久都冇用.....因為你都唔知幾時會分手.......留一個好的夢比大家......將來都會好d.......(希望你地明我講咩!)