聰,同你一齊其實我真係好開心,因為你係真心咁對我好,有時見你對自己咁好,而自己就竟然成日發你脾氣...我真係好內疚.....
不過我覺得我發你脾氣,係因為我真係鍾意你ga,我覺得我鍾意你同鍾意佢唔同,佢,我係抱著一個賭既心去鍾意,我想自己可以令佢忘記以前果個,所以我對佢先可以冇條件咁付出,因為我要乞求佢既愛...我同自己講過,我唔會再行乞!!
因為...向一個完全唔鍾意自己既人乞,真係好辛苦好累...
但你唔同佢,我相信你唔會好似佢咁,我知你係真係鍾意我,我唔需要再乞.....
但咁唔代表我唔鍾意你,只係...我唔再需要用果種卑賤既方式愛你,其實我係一個佔有欲好大既人,我真係鍾意一個人,我就要佢既全部!!
我要專一,尊重,重視既愛!!
所以,我對你既野好多時都太過緊張,於是就小小事都大發雷霆...
同埋我呢d咁死要面既性格,我要擺一個"強"既姿態視人,發你脾氣係因為我驚俾你知道我既脆弱,我怕你知道左之後就唔會"專","重"我,都唔再對我咁好....
其實我好矛盾,我個心係好想你對我好,仲要係好好好好...我實在係個霸道既人!!
但我又怕,你對我好,我當然係開心,但你會好辛苦,我驚真係好似你咁講...會有一日再忍受唔到我......我真係好驚呢日,我驚我慣左你對我好,到時我再搵唔到第個可以咁忍我,我驚我會唔可以冇左你.....
你呢幾日果然對我冇咁好左,我同自己講要慢慢去習慣番呢個世界既殘忍....
但無論點都好,自321呢日到今日...你教曉我好多野,同俾左唔少快樂我,雖然唔知你仲可以俾快樂我到幾時,但我真係好多謝你!!多謝你令我知道愛情唔係淨係得淚水!!