南美洲內一個最神秘的國家, 2000年前或以前已有人居住, 但歷史上並無文字記載.

細細個已經聽過秘魯有神秘既印加民族, 又有空中城市'馬休比休', 終於今年2月自己一個人走左去睇.見到好多石頭砌出黎既古城(有舊石頭成幾噸重但係切割光滑), 以當時既技術又真係無可能做到. 究竟係邊班人整出黎?

有人研究過遠古南美傳說, 發現一班擁有'神既能力'既人, 用發出高熱既發光工具去分割好多堅硬既物件, 又教古人用火, 同好多文明既知識. 但年代實在太久遠, 無人可以證實.

根據好多古籍記載, 現今人類係地球上第四代文明(金屬文明), 而上一代(指一萬年或再之前)文明係用石頭建設既文明, 所以南美, 埃及, 英國, 柬埔寨, 東非都有好多不能考證年代既石造建築. 而上一代人究竟點解消失?

佢地消失原因好多人都認為係洪荒, 根據聖經, 中國傳說, 同埋好多有遠古傳說都提過曾經有好嚴重既水患, 令大部份人都死晒.文明完全摧毀.而我地就係第三代死剩既人既後裔.

我地第四代既文明亦差唔多到盡頭, 但究竟摧毀我地文明既係乜野呢?