尋人

解簽人：呢位善信,有咩想問呢?
苦媽：我想睇下我個仔係邊
解簽人：唔…3號簽…情若無花不結果,一遇風雲便化龍…
苦媽：即係係邊呀?
解簽人：照佢既意思呢就係咁講…遠起上黎呢就係好遠,近起上黎呢就係好近…

社工：咦?苦太,妳都黎玩呀??
苦媽：下…係呀…我黎睇下有咩玩咋嘛…
社工：我地社區中心呀有好多唔同既小組架…拿…織冷衫啦,烹飪班啦,親子班啦,不如我帶妳參觀下我地既康樂棋室同圖書館丫…
苦媽：哦…得架喇…得架喇,我自己行得架喇…
社工：A,我帶妳參觀啦,拿我地有個排舞室,四面都有鏡架,妳都可以叫埋妳D仔女黎玩架喎…
苦媽：妳識我個仔既咩?!
社工：苦榮丫嘛~佢間唔中都會黎恰我地D小朋友架喇…
苦媽：咦~見D小朋友玩得咁開心,睇黎恰佢地果D人都唔係度架喇可?
社工：哦~佢好耐無黎過囉~

陳神父：哦?呀…苦太,妳終於都黎喇?
苦媽：我…我…買送行過架咋…
陳神父：呀…買送行過都入到黎教堂,相信一定係神既旨意…
苦媽：呀…阿陳神父呀,你…你…你教堂一眼見晒架咋可…?
陳神父：唏~千祈唔好盡信妳既眼睛…
苦媽：哈講起眼睛我就諗起喇,我要返去煮飯…我走先喇~
陳神父：呀…苦太…苦太…願神祝福妳呀…得閒黎丫~