「明知等不到亦要等, 還好有眼淚來陪襯, 反正空虛沒什甚想發生! 難得開心過讓我等, 難得我越捱越振奮, 可以等誰願意問, 沒真相才吸引。我勇敢! 我膽怯! 我不忿! 回頭問誰在接吻?!」
最初聽到呢首歌我真係覺得好岩, 我都唔明自己點解明知冇結果都要係度等,好多人都會覺得我好傻, 不過亦都有人同我講我會等到, 但係我知道佢地係係度安慰我。我既等待真係會有結果咩?!
答案係.... 有ga!

2002年7月26日 (五)
今日真係好好好開心呀! 係1:54p.m 個時我個電話突然之間係度震, 我一睇個來電, 竟然見到你個電話呀! 最初我都唔敢相信自己對眼, 以為自己眼花睇錯, 仲猶豫左一陣先聽.... 我真係冇諗過咁耐你仲會搵番我。雖然我淨係同你傾左29分鍾,但係個29分鐘對我黎講已經好足夠.... 你之後仲會話第2晚會搵我, 雖然你冇咁做到, 不過已經唔緊要, 我亦都唔會介意。 經過咁耐, 發生左咁多事之後, 我終於都明白鍾意一個人唔一定要同佢一齊, 只要見到佢平安同開心已經好足夠....