哈哈, 套套的一聲解散, 果然又帶出一連串式的罵戰, 外間不知名既人又有, 自己原本球隊的人又有…

其實根本唔需同外界既人提及我們既事, 但既然有人出口加以批評, 我都想為我地所謂既”高層”講反幾句說話.

一直以來既所謂高層, 根來就係所有 “KEEN” 既成員或至同道合者給予一班搞手或負責聯絡人的一個介乎”嘉獎”及”諷刺”的一個名詞, 內裡絕不涉及階級觀念, 玩開既人亦唔會用呢個形容詞去攻擊佢地, 因為 Keen 既所有人實際上好清楚佢地做緊d咩, 大家心中有數, 呢d所謂擁有”權力”既”高層”, 請你都未必願做 (吃力未必討好), 亦未必有資格去做 (請自問可以服眾嗎?)

KEEN 玩開既人其實係 KEEN 未成立之前早以形成, 呀d,壞鬼書生同套套居功不小, 佢地既 “民望” 自然成為我地早期既所謂”高層”, 佢地搞既小至飯局, 唱k, BBQ, 打機,探訪兒童中心 以及大型既有 Sport Day Camp, 海外小型賽車, 自拍電影晚會等等, 都係根據各人興趣同應大家開心去搞, function 愈大型既時候, 涉及搞手既人數愈多, 隨之而來做餐死既所謂”高層” 更有 Kid, Zero, 淺黑, 2000, Alienman 等等, 包括好多有付出而不為人知名既成員.

有鑑於志同道合者隨之而增, 活動亦相告多元化, 有時真係打電話通知人都打唔哂, KEEN 既成立便從而產生, 套套因為係 Keen page 既創立同負責人, 責任亦相繼增加.

話說回頭, 足球隊既成立, (又或是其實當初只係足球同樂日), 都係本著呢個大家有波踢既宗旨而來, 所以大家都係以娛樂聯誼的心態去玩, 套套同 zero為求更加有氣氛, 便想出造波衫排號碼,但因為 keen 既成員大部份都係要上班既人,所以後期要講到出席率根本係無可能同時亦失去本身意義, 但球隊既發展太快, 加入左太多原本唔係KEEN成員既人, 佢地來自各方各地, 亦有d根本係連工都唔洗反既人, 佢地既想法就係要踢波, 要玩, 佢地無想過我地當初成立既目的係乜野, 部份人亦缺乏包容, 忍讓同體諒.

我知所以明白係因為我以旁觀者的身份曾經參與過佢地, 我當初亦好欣賞呢群後生仔既埶誠同沖勁, 正因明白後期參與足球隊既成員可能唔知道乜野係 KEEN，所以我有contact 佢地加入 KEEN 搞既其他 function, 希望大定可以打成一片同聲同氣, 我亦有參加佢地既活動, 而察覺到佢地本身亦存有一定既問題, 佢地似乎大過急進, 沒有注意到自己本身既問題就去怪責其他人, 輸贏睇得重之餘又將責任推到唔得閒黎踢波既人, 佢地無諗過之前搞手一路既原意係 à得閒就出黎開心玩, 係照顧左 KEEN 一路玩開既人先, 套套同 zero 一直唔去阻止係希望事情有轉機, 一班人一齊遇上去踢波都係一種緣份, 但可惜事與願違, 當中有人不禮貌地下逐客令叫一d唔可以出席踢波既人走, 出聲調停既人比不分是非既人攻撃為假仁假義, 佢地既言詞開始對人唔對事, 自命”草根”去話一d”高層”既人無x用又多x事, 令人誤會有人有意去玩政治手段, 所言非友善性而係挑釁性.

就係因為太多聲音, d球員又各自小撮人自我為中心, 咁舊既一批為開心同樂而組隊既 KEEN 成員已經唔想再出黎, 足球隊既人反客為主, 但自居為主內部亦四分五裂, 套套,呀東同 zero都試過想法子去維繫反呢一支球隊, 但結果出到黎所謂開會既人又各顧各既, 看唔見有幾尊重佢地. 我深信隊長東 Ktwong 唔係不負責仕既人, 佢既離開除左係工作關係, 亦因為係一番努力後仍自問未態控制大局, 順得哥情失嫂意無奈地退出.

有見及此, 係失去左原有意義同需要 (KEEN人人有波踢)既情況下, 解散左一隊無左靈魂既又唔團結, 各有私心既球隊其實係最直接既方法, 假如有人認為我無權在此事作任何意見, 我可以講我都算係一個公道既人, 踢波既野我雖然唔識, 但人同人之間相處合作體諒既經驗起碼我比你地多, 不然你地尊敬既隊長東都唔會叫我將佢既 message post出黎, 我知當中球隊其實不乏好多真正只為踢波開心不計較得失功過既人, 佢地係當中一直好小表態同出聲既成員, 我相信你地既熱誠好快令你地又再走埋一齊踢波, 到時我一定再出現為大家打氣!