20/07/2002 今日放假,終於可以一嚐訓到15:00既滋味啦!好高興. 起身之後又係上網,check左過百封既e-mail,因為呢期太懶,部電腦又慢,所以儲左好多封e-mail未read!
今日除左落街食d野,都冇去街lu.大家一定會問,點解唔洗拍拖呢? 因為男朋友要返工丫嘛!

尋晚發夢見到一個我成日好想見既好朋友! 唔知幾時先可以見到佢呢? 真係好掛住佢呀! 不過可惜佢成日都唔比我見...^^

19/07/2002 放工後約左Bibi, Ferris, Heath 同埋 Nip 去唱k聚舊, 唱左三個鐘就被趕走. 本來諗住返屋企, 但臨走前小威打比我叫我落尖沙咀飲野, 咁我梗係落啦, 因為我成兩個禮拜冇見過佢地啦! 都幾掛住佢地架! 飲左一陣就走啦! 01:30都已經返到屋企. 遺憾既係, 今晚發生左一件事, 令我突然諗起一樣野, 究竟, 人係咪真係咁犯賤?

18/07/2002 今晚放工後去左拍拖, 好邪呀! 因為竟然比一個老友同埋一個同事撞到! 分別係鵬鵬同埋阿東…我見佢地唔到架! 只係事後佢地笑淫淫咁同我講: “嘻嘻! 家姐! 我見到你, 你鬼馬啦! 如果你唔想公開, 我唔會話比人知, 但係要請我食番餐勁既! ” 真係比佢地激死. 我又唔係明星, 冇諗過搞地下情, 只係想穩定D先公開o者.

17/07/2002 尋日同男朋友傾左好多野,結果今日佢打左好多個電話比我. 其實之前聽完阿呆講既說話,都覺得o岩既,不過事實上我只係唔想skip左拍拖初期既熱戀感覺o者. 是但啦, 總之順其自然, 我唔會比太多希望比自己, 亦都唔會比太大壓力對方, 我只係想有一段成熟D既戀愛.

16/07/2002 今日冇野講, 總之好煩啦!

15/07/2002 今晚去左西貢食飯,行沙灘,吹海風......好耐冇試過! 好舒服.

14/07/2002 今朝6點幾先訓! 跟住又要返工. 本來又遲到架啦! 因為我竟然10:45先上巴士 (我返11:00), 哈哈! 但係我叫左個同事幫我打咭! 今日係星期日先可以咋! 因為星期日冇大人返工嘛! 我要認真d先得啦!我以後都唔會玩咁夜,我唔可以再唔知醒,再遲到啦!我唔想失業呀! 夜晚同琪琪食晚飯,傾左好耐,講左好多好笑野! 佢問我究竟係咪拍拖,我又唔識答啦!我話其實我都唔知呢......慘慘!!

13/07/2002 我有d迷惘呀! 因為我竟然唔知自己算唔算拍緊拖! 係咪我已經忘記左拍拖既感覺呢? 定係佢做既野,同以前d男朋友有d分別呢? 對於一段有期望既愛情,當然希望可以開花結果,但係又唔敢抱太大希望; 雖然我曾經講過,唔會再付出太多落一段新感情度,但係,我估我做唔到!如果我感覺到佢真係好愛我,我諗我自己仍然會無條件咁付出.

12/07/2002 今日其實好唔開心,因為我簽左performance,原因係五月份經過口頭警告之後,我遲到既情形不但冇改善,反而更加嚴重. 雖然我係一早預左要簽野,但係都好唔開心架! 加上,今日公司發生大件事,就係有好多人因某原因要停薪留職...我突然間覺得好大壓力,好驚,好徬徨,想搵人傾訴既時候,竟然一個人都冇...

夜晚同one-one食飯,本來諗住開解下佢,點知自己今日都咁唔開心. 一個唔開心既人加一個唔開心既人, 就o係旺角傻下傻下咁,流連到23:00......

11/07/2002 之前我提過,今晚約左好重要好重要既人食飯,跟住有好多人問我,究竟約左A君定B君...? 全部錯哂!我約左我親生細佬同親生細妹. 我細佬佢唔開心,所以我地兩個家姐同佢去食飯及唱K,等佢relax下! 我講左好多道理比佢聽,但係其中有好多,我自己都未必做得到! 不過都係時候扮下大人架啦!

不過我講比細佬知既野,我真係覺得有d係好o岩,我話:"時間真係可以沖淡一切!" ..."雖然沖淡左,但係你當然會保留住一d傷心既記憶,但當你有一段新既感情,經過年月既累積,慢慢地,呢d開心既事就可以遮蓋你痛苦既往事!"