贊助網站
  相片  

＊＊＜想知道＞＊＊
文館   私人情信
2002年08月06日

　　今日update 你個info，見到之前畀我ｏ既ｏ個句已經改ｏ左，由candy 改為一個女仔，ｏ個個女仔仲係咪我呀？你話想見佢，但唔敢鍾意佢，因為知道自己已經冇機會！我真係好想知ｏ個個女仔係咪我？定係你驚hurt 親我，所以唔敢打第二個女仔個名呀？我好想知呀！但係我唔敢問你，我好驚知道ｏ左個答案之後，我會接受唔到！點解你到而家都唔搵我？我真係好想聽你把聲，好想見你呀！我好掛住你呀！好想好似以前咁樣攬住你！真係好想好想．．．
　　而家你已經唔係我男朋友，我已經唔可以再去煩你，管你！我好驚你會覺得我煩你，好驚你對我反感。我真係好想日日都打畀你，但係我知道我唔可以咁做，呢幾日我都冇搵你，我覺得自己真係好叻！竟然可以忍到唔打畀你，唔係因為我對你淡ｏ左，而係因為我真係想你諗清楚，我真係想你知道我為你已經改變ｏ左好多！你唔打畀我，我都唔想打去煩住你，我知道你要ｏ既係自由，我會畀空間你！但係我亦都希望你會諗ｏ下我，我真係好想你打畀我。ｏ個日係你同我散之後第一個電話，我真係好開心你打畀我！一聽到你把聲個心就跳得好快，真係好快好快！你打ｏ黎當我好似朋友咁，關心我，但係我想要ｏ既唔係呢ｏ的，我想你係我男朋友咁樣開心我呀，可唔可以呀？！你問我可唔可以等你３個月ｏ個時，我真係好開心，但係另一方面又好驚，好驚再次失去你！不過我知道無論點樣，我都會等落去，因為我真係好想同你一齊，我好想做你ｏ既老婆。
　　你以前ｏ既老婆我唔可以代替佢，亦都唔會諗住代替佢！因為我知道佢ｏ係你心目中真係好重要，你仲係好鍾意佢。我唔會介意，因為我知道以後陪住你ｏ既係我，我知道我同你經歷ｏ既ｏ野一定會比你同佢經歷ｏ既多！我ｏ地擁有ｏ既係將來，我ｏ地要向前望！但係唔知你會唔會畀我陪住你呢？我又會唔會係你最後一個女朋友呢？
　　一直我都ｏ係ｏ度等你電話，但係我等唔到，你冇打過畀我，雖然係失望！但係我知道你冇必要打畀我，你有你ｏ既自由！雖然我好想知道你仲鍾唔鍾意我，但係我唔會再去問，我會自己用個心去感受！如果你係鍾意我ｏ既話，你一定會畀個暗示我。我會等呢一日，我會一直咁等３個月，我唔知道會唔會同番你一齊，但係我覺得值得ｏ既就會去做！
於02年8月發佈



其他文章共 86 篇

短篇故事:4篇， 長篇小說:7篇， 隨筆:54篇， 公開書信:1篇， 私人情信:19篇， 其他:1篇

最新公開文章 :     一廂情願 (05年6月)
    感情變質 (04年7月)
    ＊＊＜只好放棄你＞＊＊ (02年10月)
    ＊＊＜變得更加想念＞＊＊ (02年10月)
    ＊＊＜不喜歡上你是否比較好＞＊＊ (02年10月)
    ＊＊＜害怕擔心＞＊＊ (02年10月)
    ＊＊＜冬天的暖＞＊＊ (02年10月)
    ＊＊＜我的媽媽＞＊＊ (02年10月)
    ＊＊＜衝動想找你＞＊＊ (02年10月)
    ＊＊＜很想看戲＞＊＊ (02年10月)
    ＊＊＜朋友＞＊＊ (02年10月)
    ＊＊＜討厭＞＊＊ (02年10月)
    ＊＊＜等待＞＊＊ (02年10月)
    ＊＊＜沒有信心了＞＊＊ (02年10月)
    ＊＊＜記得忘記＞＊＊ (02年10月)
    ＊＊＜漫步沙灘＞＊＊ (02年10月)
    ＊＊＜感受到＞＊＊ (02年10月)
    ＊＊＜喜歡＞＊＊ (02年10月)
    ＊＊＜人的眼淚＞＊＊ (02年10月)
    ＊＊＜習慣＞＊＊ (02年10月)



Candy_A 只跟部份人分享這資訊。



實事求是, 提供可靠伺服器管理及網存超過＋年。