贊助網站
  相片  

＊＊＜被欺騙了＞＊＊
文館   私人情信
2002年08月25日

　　８月１０號ｏ個朝你打畀我，真係好開心，因為你又搵番我，但係之後你就冇再搵我ｏ剌！我真係唔知有咩問題，點解你可以一個電話都唔打ｏ黎？而家我先知道原來我一直畀你玩緊囉！琴日update 你個info，你指ｏ既ｏ個個女仔係你而家鍾意ｏ既人？點解要寫出ｏ黎畀我睇？知唔知道我睇完之後真係好唔開心嫁，你有冇諗過我呀！你唔鍾意我都算啦，而家仲要打ｏ的ｏ野ｏ黎傷多我一次！我可以點呀？！之前ｏ的ｆｄ　話你玩我，我唔信，因為我同你一齊，你畀我ｏ既感覺唔係玩玩ｏ下，係認真ｏ既！但係我睇錯ｏ左呀，你一直都玩緊我！點解ｏ個晚你話一齊番，而家又唔搵我喎？就算你真係有第二個ｏ剌，咁同我講聲唔可以同我一齊都得ｏ掛，點解你講都唔講？真係咁忍心要我等你咩？你好殘忍呀！對住你真係唔知可以講乜ｏ剌，我對你咁認真，點知你對我就一ｏ的認真都冇！玩完一次又一次，ｏ個時我話覺得你玩緊我，你ｏ既反應好大，我以為你好緊張我點睇你啦！點知你都唔係，咪又係唔搵我，當冇識過呀？我唔可以囉，個個叫我忘記你，又話我ｏ地一齊ｏ既時間唔耐，冇可能咁鍾意！其實我自己都唔知點解會咁鍾意你，發生ｏ左咁多事，我對你一ｏ的都冇變，我承認係有少少唔信你，不過我知道自己仲好鍾意你，所以我選擇信你。但係咁又點喎，信你ｏ既結果咪搞到自己唔開心囉！我真係好想知道你有冇ｏ野呃我，我只係要求你話我知ｏ者，咁都唔得？我覺得自己真係好白痴，ｏ個晚你冇搵我，已經知道咩事啦！但係自己死唔要面，係都要打畀你先安落，最後咪令你覺得我煩，搞到自己唔開心，唉！不如你話我知，究竟你想點啦！你同我散真係因為自己ｏ既問題定係有第二個？我只係想知ｏ者，唔通我冇咁ｏ既權利去知道咩？點解你由一個鍾意我ｏ既人，咁快可以變到一個對我陌生ｏ既人呢？定抑或係你從來冇鍾意過我呢？我真係好想知，唔親口聽你講，我諗我唔會死心囉！
於02年8月發佈



其他文章共 86 篇

短篇故事:4篇， 長篇小說:7篇， 隨筆:54篇， 公開書信:1篇， 私人情信:19篇， 其他:1篇

最新公開文章 :     一廂情願 (05年6月)
    感情變質 (04年7月)
    ＊＊＜只好放棄你＞＊＊ (02年10月)
    ＊＊＜變得更加想念＞＊＊ (02年10月)
    ＊＊＜不喜歡上你是否比較好＞＊＊ (02年10月)
    ＊＊＜害怕擔心＞＊＊ (02年10月)
    ＊＊＜冬天的暖＞＊＊ (02年10月)
    ＊＊＜我的媽媽＞＊＊ (02年10月)
    ＊＊＜衝動想找你＞＊＊ (02年10月)
    ＊＊＜很想看戲＞＊＊ (02年10月)
    ＊＊＜朋友＞＊＊ (02年10月)
    ＊＊＜討厭＞＊＊ (02年10月)
    ＊＊＜等待＞＊＊ (02年10月)
    ＊＊＜沒有信心了＞＊＊ (02年10月)
    ＊＊＜記得忘記＞＊＊ (02年10月)
    ＊＊＜漫步沙灘＞＊＊ (02年10月)
    ＊＊＜感受到＞＊＊ (02年10月)
    ＊＊＜喜歡＞＊＊ (02年10月)
    ＊＊＜人的眼淚＞＊＊ (02年10月)
    ＊＊＜習慣＞＊＊ (02年10月)



Candy_A 只跟部份人分享這資訊。



實事求是, 提供可靠伺服器管理及網存超過＋年。