2002年09月24日
經過兩個月ｏ既時間，我已經開始淡忘以前ｏ既一切。我知道再係咁樣落去，辛苦，唔開心ｏ既只會係自己。以前好多好多ｏ既ｏ野，我都唔想再諗起！不過有時真係唔知點解，自己會無啦啦又諗番起。太恐怖ｏ剌，一諗起以前ｏ既ｏ野，就覺得自己真係好傻，好蠢，好白痴！每次諗起都會想喊，我真係唔想再咁樣呀！我成日都會諗，究竟呢ｏ的係咪報應呢？我曾經唔認真咁樣對待男朋友，終於有個男仔就係咁樣對自己。我以為經過咁多事之後，我會大方ｏ的，識諗ｏ左！但係原來唔係我想像中咁嫁！
而家我有一個好好ｏ既男朋友，但係唔知點解我個心就硬係唔安落，我好驚，好驚今次又好似上次咁樣，我真係唔敢信佢呀！好多時，問完佢ｏ野，我個心又會不斷不斷咁去諗，佢有冇呃我呢，佢係咪哄我開心呢？！愈諗就愈多，愈諗就愈唔開心，我真係唔知應該點樣對佢。我覺得同佢開始得太快，同上次ｏ既情況一樣嫁，究竟係咪一個先兆呢？我唔知道點解自己會咁快同佢一齊，或者係想有個人關心ｏ下自己啦！我好驚付出ｏ左之後，個結果會同上次一樣，真係好驚好驚。佢叫我畀時間佢証明佢唔係玩玩ｏ下，但係我依然都唔敢信佢！係咪代表ｏ左我唔夠愛佢呢？其實我真係好想唔去諗以前ｏ既ｏ野，但係我做唔到，每次對佢有懷疑ｏ既時候，我都會諗番以前同樣有咁ｏ既事發生ｏ左，真係太多巧合ｏ剌！係真係巧合定係一個先兆呢？我已經唔想再去諗，只係想開開心心咁同而家ｏ既男朋友一齊，因為佢真係對我好好，我睇得出，佢真係有付出過感情。但係我真係唔敢再放感情，唔敢信任何人，真係好自私呀！我唔明點解上次ｏ既事會令我咁唔信人？！一個曾經傷過我ｏ既人，點解我仲要為ｏ左佢而令自己辛苦？我真係唔知道，我好想擺脫以前ｏ既陰影，究竟問題係咪出ｏ左ｏ係我身上呢？如果我唔去諗，開始信人ｏ既話，會唔會開心ｏ的呢？
Candy_A 只跟部份人分享這資訊。
於02年9月發佈
一廂情願 (05年6月)
其他