今日蘋果標題"檸檬獲釋, 天理何存", 明報成大篇社論也大講檸檬判得太輕, 立局李柱銘等人大表震驚, 警方更揚言話"今日係全港司法最黑暗的一日"... 網上更有人話尋日可能係全港最多人講粗口的一刻!

如果成生, 劉先都係被判社會服務令, 我諗大家都無野好講, 只可以話今次法官以情感化犯人, 希望佢地重新做人. 但點解犯法最多受益最大的謝檸檬輕判社會服務令, 成生劉生就要坐4個月至半年呢, 佢地兩位的罪行好似輕過謝檸檬喎. 究竟香港法律乜野係法, 仲有無法呢.

仲有, 憑乜野去輕判檸檬呢? "哦, 因為佢年輕有為囉, 有好多名人支持話佢平日乖仔囉!" 但係廿幾歲人都唔算細啦嘛? 拎左成人身分証4年就要負上成人的責任啦, 演藝界班人當然實話佢平時點好點乖, 唔通會話佢以前都係成日過度暴力, 掟結他, 掟咪, 講粗口, 食煙咩. 即使完全唔講上述檸檬的劣行, 但凈係違法交通規則係咪應該都要負上責任呢, 何況係頂包.

有小學生對檸檬判決"社會服務令"尢如係做課外活動, 教育界教師校長家長們如何去教學生呢? 學生做錯事, 就係去做課外活動玩下就可以?! 眼見日前有檸檬歌手選擇逃學去支持偶像, 見到偶像被判坐監就要撞頭埋牆, 見到偶像法外逍遙就高歌狂呼, 教育界應該點樣再教育呢班學生呢? 頭痛, 頭痛! 做學生做歌迷的, 可以去揀個比較健康的偶像支持嗎? 深思, 深思!

做社會服務令可以係做對社會義務的工作, 未必一定係掃街之類的厭惡工作, 檸檬作為歌手更加可能係去做下義演唱下歌就了事, 社會服務令會否變相成為檸檬為新歌宣傳的手法呢? 藝人歌手一向都有做義工增加曝光的習慣, 做社會服務令難道係藝人歌手偶像的專利?!

謝檸檬輕判事件的意義已經唔止係娛樂圈的談笑話題, 更直接令香港大眾對法治完全失去信心! 強烈建議律政司公正重判!!!!!

佢講得好喎~重判~