阿X係一個成日0係網上識男朋友既人0黎架，幾年0黎，佢不斷搵緊佢既真愛，佢相信只要有緣份，就會有真愛，但可惜，佢拍咁多次拖，都無一次係可以長久。而佢身邊既朋友都會覺得佢對愛情只會抱住玩玩下既態度，從來都無認真過，對於阿X不斷換畫既消息，佢地都經已聽到慣哂喇......
阿X當然知道佢身邊既朋友點樣諗佢啦，但係佢仍然會覺得追求完美並唔係佢既錯。雖然阿X曾經遇到過好多唔同類型既男朋友，但係佢仍然會覺得佢地欠缺左一D野，而佢亦0係呢個時候開始覺得真愛並唔係話搵就會搵到，係要等緣份到架...
點知，0係呢個時候，突然有一個男仔出現，佢叫阿F，佢亦係阿X既網上朋友之一，亦係一個緣字將佢地連繫埋一齊。
佢地開始一齊既時候，佢地既感情都唔算好好，因為阿F仲掛住緊佢以前既女朋友，阿X當然知道啦，但係佢仍然相信，佢可以取代到阿F以前女朋友既地位，阿X係一個好細心既女仔，佢知道阿F唔鍾意提及佢以前女朋友既事，所以一直都唔會係阿F面前提起，就算自己為左呢件事攪到幾唔開心都好，佢都唔會話比阿F聽，寧願自己默默承受，都唔希望比到阿F咁大既壓力...
由開始既時候起，阿X就已經覺得阿F會0係佢既最後一個，亦相信呢段先係佢搵左咁耐既真愛，所以阿X不斷為阿F做任何野，希望可以令呢段感情維繫得好好，阿F終於被阿X所做既野感動左，亦同阿X講，佢而家愛既只係得阿X一個，0個D都已經成為過去，阿X聽到之後，佢比以前更加愛阿F，佢亦相信自己無愛錯。
可惜，開心既時間好快就過去，一個禮拜過後，阿X開始發覺到阿F不斷改變緊，雖然改變既野唔係太多，但係對於阿X0黎講，佢既改變係另一個考驗既開始...
阿X見到阿F不斷0係度改變，佢就不斷咁同自己講，"唔會有事發生既，佢只不過想改變一下自己既形象0者，"唔知係咪阿X諗得太過簡單，定係佢根本唔想去面對事實既真相呢~
阿F除左改變自己既外表之外，仲開始對阿X唔著緊，仲覺得阿X所為佢做既一切視為應份，係理所當然，就算阿X為左佢攪到好唔開心，佢都可以當無事發生，就算知都扮到唔知咁，甚至當有問題發生既時候，往往都會將罪名向阿X身上推，阿X終於都忍唔住，同阿F講清楚，佢以為阿F會為佢而改變，點知佢無，佢仲話阿X份人太執著，阿X聽到之後，非常傷心，仲開始覺得同佢講都唔會有咩改變，所以佢決定放棄，佢相信分開左會比同佢一齊開心得多，阿X真係以為阿F唔再愛自己，一定可以同佢和平咁分手啦，但係阿F明明唔愛阿X都唔肯放手，仲又再一次將罪名推0係阿X身上，話阿X想同佢分開好耐，阿X今次真係非常傷心，仲開始後悔同呢個人0係埋一齊...
不過最終佢地都係分左手，阿X雖然係好唔開心，但係佢相信時間可以幫到佢，點知，係呢個時候，另一個問題亦都出現左...