天上有天狗、海裡有海狗，澳門有跑狗，餐廳有熱狗，
我好鐘意你，雖然自己有o的狗。
但願夜夜陪著妳，走上天臺數星斗，
希望日日伴著妳，漫步人生到白首。


天上有皇母，水中有水母，英文有字母，師公有師母！
我好鐘意你，雖然我係咩都無。
但願每刻親近你，唔理做馬定做驢，
希望每日呵護妳，絲絲心事細如毛。


天上有星星，海中有海星，King Kong 係猩猩，印度有呀星，
我好鐘意你，雖然我無好歌聲。
但願日日細賞妳，一雙汪汪大眼睛，
希望時時咀對咀，一齊製造啜啜聲。


天上有飛龍，HiFi有天龍，隧道有車龍，少芬愛奇隆，
我好鐘意你，雖然我係好鬼窮。
但願十指緊緊扣，共效鰜鰈兩情濃，
希望舉案到齊眉，孟光痴心向梁鴻。