我真係好鐘意妳，不論妳點臭脾氣，
妳發嬲時我死狗，妳發氣時我受氣，
上落車我拖到實，做埋咕哩無嫌棄，
點解我對妳咁好，皆因我好鐘意妳。

我真係好鐘意妳，做牛做馬由得妳。
錢銀可以俾妳駛，自尊都可俾晒妳。
買餸洗衫我做埋，拖地煮飯唔煩妳，
點解我對妳咁好，皆因我好鐘意妳。

我真係好鐘意妳，時時刻刻保護妳，
靓女埋身當隱形，gay佬更加唔會理，
為妳放棄我一切，放棄移民加英美，
點解我對妳咁好，皆因我好鐘意妳。

我真係好鐘意妳，可惜妳對我嫌棄，
日夜罵我無停口，唔肯包容唔講理，
妳永遠唔會付出，人前數我無道理，
點解我要受委屈，皆因我好鐘意妳。

有陣時，人同人既相處最緊要講理，
我當你如珠如寶，妳當我死屍放屁，
人點可以無尊嚴？人點可以自放棄？
唯有向妳說分手，留下回憶心中記。