好鬼憎我阿媽

唔知佢咩思想,可能成世人無野做

太悶,成日懷疑哩樣果樣

又唔抵得好多野

見d明星,記者下巴尖

就話人整容,只係整尖個下巴

好黑人憎...

又例如,睇親賽車

就想人地撞車,話撞先好睇...

仲有我最近經常睇四胞胎既page

其中一個baby,因係胎入面營養唔夠

出世無耐有盲既機會

佢就話人抵死...話咩從未聽過人生四胞胎

一定係人工受孕,抵佢死咁話

我真係覺得你好黑心,好自我lor

咩都係自己既角度出發

完全無諗過人地

最憎佢,因為我經期唔準

通常唔知幾時黎

有時難免整dirty張床/褲

佢就死都5比我坐細佬張床

仲要係任何時候

好似我有病菌,又或者當我長期黎m咁

只要一坐佢張床,就勁比佢話

話我dirty,會整衰細佬運程之類

熟我既人都知我有情緒病

佢就只識埋怨

我伯父都有哩方面既病

前年佢離開人世

我媽唔比我地拜佢,話拜佢會傳染到d病

佢真係痴線

完全接受唔到哩個世界

又唔知時代已經進步到去咩程度

話說佢好似更年期左成10年

個個都頂佢唔順

有時全屋得我兩個

都要帶佢行下街,食下飯

出街唔夠2個鐘就嗌番屋企

話會有人爬窗偷野

大佬,你住30幾樓,果個係蜘蛛俠咩!!

阿爸買親送番黎,佢唔係話豬肉比人打水

就話西瓜比人打糖精

我真係完全接受唔到佢既思想

好似被害妄想症咁,so crazy