雖然只係過左一個禮拜....但係對我嚟講,就好似足足成年咁!每一日個人就好似無左靈魂咁...返工..放工..上網..
以前我無打日記嘅習慣..但係唔知點解依家會咁做,可能都係希望有一日佢能夠睇到啦!(發緊夢...)點都好啦!
呢星期加埋都唔知食左有無3餐...好眼瞓..但又唔想瞓...我諗係因為我驚我瞓左會miss左佢嘅來電或者佢send嘅sms啦!(慘...>< 又係佢)
其實我都有問過自己,佢對我係咪真係咁重要呢>?
...我自己嘅答覆係...係lo!
我今年32歲,我同過幾個女仔一齊..但係佢哋都比唔到我想結婚嘅感覺我lo..唯獨佢..不過呢啲都係我一廂情願唧!佢未必同我一樣...我唔係佢..我點知wo!我真係唔知道自己仲會等佢幾耐..我只係知道時間耐左,佢唔單止唔嬲我...仲可能會唔記得我囉!我知道佢係專一嘅人...但係我依家唔止見唔到佢個人..聽唔到佢把聲...就連sms比佢都無覆...我真係唔知可以點做!我真係好想知道...佢一個人靜落嚟嘅時候,有無想起過我呢>?