我諗PE衫呢家野真係唔係人人都鍾意著。想當年，對於一個處於青春期、對自己身體比較self-conscious又唔係運動型既女仔黎講，PE衫應該都係我最討厭既服裝之一，最憎就係著住PE衫俾D男仔指指點點仲要去跑圈，真係名副其實既睇肉堂囉唔該！

由於童年陰影關係，所以我係選擇左著浴袍既。但好不幸當會長大人返到黎一見到我，情況就好似以前大熱天時上PE堂時死都要響PE衫外面著件冷衫先肯出黎但係一出到黎就俾Miss周住黎話再被迫除返件冷衫一樣，Chris sir即刻就周住我問「你套PE衫呢？我明明準備左俾你格！藍天，幫我搵套PE衫俾佢！(下刪100字)」，就算我扁嘴扭擰都冇用，為免增加工作人員負擔我都係乖乖地去搵返自己套PE衫出黎換左佢。

好喇之後係briefing同互相認識然後就自由活動時間～首先係同集合左我最鍾意既「靚」同「佬」於一身既靚佬湯傾左陣我完全唔識既酒經，但見到講到眉飛色舞既佢令我都好有興趣知多D學多D～我地耳鬢廝磨左陣之後，佢好搞笑咁響我耳邊細細聲咁提議「我地慢慢咁行入去」，但我地當時係企響廳前面電視附近，行得再慢都係要響全部人既面前行過先入到作戰區架喎，但唔理咁多喇入左去先算啦。

作戰區床上面有會長大人同新人Sherry，因為唔想驚動到佢地於是我地去左窗台，玩左陣就出事喇，我諗我都係同窗台有仇果D朋友，於是都係要靜悄悄咁借左個床角黎用，但最後都好似搞到會長大人同新朋友去左窗台，對唔住！(90度鞠躬)

快樂不知時日過，轉眼間身邊已經係Dino同細米～過左一陣好搞笑既Dino先生指住細米望住我地講左句:「佢話佢未試過4P呀～」哇好一個司馬昭之心，仲要推個波俾細米哦！ Dino問左細米介唔介意之後，咁我梗係趁大好機會對美女...嗯嗯。 後來好似有人嘗試加入，Daddy Tom響呢個時候退位讓人，但突然加入既又突然消失左......過左陣當我準備攤抖既時候Big C就出現響我身邊喇，而作為一個機會主義者我係唔會為左攤抖而放棄型男架！

之後本來諗住同Big C一齊洗白白，但係浴室入面係無處不在既會長大人(乜咁岩呀...)，咁我就同Big C退下響外面傾下計先啦。傾傾下有人開始玩wii喇，極少打機既我冇玩過傳說中既Just Dance呀，點都要玩下～果然我發現我係冇打機天份既，然後我再發現埋有人響我在咁多人面前出醜之際已經自己一個沖完涼！唉呢D咪就叫人走茶涼囉...

自己一個(←強調)沖完涼出黎，哇熱鬧到呢！熊叔叔、Candy同Cupid豬響度熱跳緊呀！我簡直係想穿過佢地搵個位坐下都冇咩可能呀！不過我都盡人事試下，經過佢地身邊係feel到D拳風架！之後企響度睇睇下就俾人公主抱起再掉落蟹仔坐緊既單人梳化度。 點呀蟹仔？你大脾安好無恙丫嘛？冤有頭債有主，唔安好有恙我都唔負責架喎～響蟹仔懷中耍賴皮左陣大家就跳完喇，跳完之後個手制好似有D問題，好nice既蟹仔於是起身行出去幫手睇下有咩問題，就響佢起身既大概0.5秒之後，岩岩先熱跳完成身都仲係汗既某熊一個箭步走左過黎然後一手就撈起唔係好知發生咩事既我(真係要用個撈字)入去作戰區喇～(蟹仔可能心諗：「搞乜呀？失驚無神就掉個人落黎然後失驚無神又唔見左個人！」拿，唔關我事架，我都係一直處於被動狀態架咋。)

同熊叔叔一齊既時間好愉快～但一愉快完都未來得及同熊叔叔來個熊抱就有人走過黎訓響我身邊而熊叔叔就彈開左喇。唔...老實講其實果一刻真係有D愕然。呢頭岩岩先完左果頭就有人急不及待訓落黎蓄勢待發，而我都未係好知發生咩事。其實我份人都算係好易話為，但我諗可能好多人都講過呢樣基本禮貌，就係加入前，無論係多P定係你見到人地one on one完左，都have the courtesy去問下"May I?"先，尤其係第一次見面完全唔熟冇傾過計冇咩默契既朋友。希望呢D事唔會再有下次啦。 呢個時候真係開始累喇。坐響梳化同Leo傾計仔，講左好多關於運動既野，然後又一齊拉下筋，真係好似上PE堂咁呢～後來蟹仔走過黎想同我share張單人梳化，好啦見係你咋。再後來坐坐下坐左入作戰區。

再再後來一齊洗白白仲趁呢個咁relax既時間傾左陣計。加油呀，蟹仔！ 冇幾耐就到開燈拉閘放人既時間，換完衫我逐個逐個lovely ladies and gentlemen黎個goodbye hug之後就先行離開喇～

可能響好多人眼中我地或許只係一班離經叛道為左滿足動物式慾望先聚埋一齊既人，而嚴格黎講我地可能連朋友都算唔上，但臨走前同大家既擁抱係確切地令我感到溫情的。

有機會既話希望可以同大家熟絡D，更融入S&B呢個大家庭～

P.S. Big C，上面沖涼果part我講笑架咋，你唔好當真呀～