首先好感恩9月14日踏入40歲的日子，唔覺唔覺生存左40年，呢40年的日子雖然窮不過好開心快樂，亦無乜大起大落，身體健康，無乜病痛，都係神的恩典。

今日當然一樣唔會返工，反正有大假就放左佢囉…唉，今年唔知仲生日前瞓唔著，成3點幾先瞓得著，激死。好死唔死朝早8點幾已醒左，仲要瞓唔番咪起身掃地抹地做下家務。下午就去大家樂買外賣食，飲左喜愛的紅豆冰開心啦！

夜晚入左tko的養心x打邊邊，食物質素ok,除了個鹽酥雞囉！今晚要家姐同姐夫破費真係唔好意思了。。

仲有多謝fb的人，中學同學，家人，朋友的祝福，謝謝。

今年生日平淡而開心，雖然最終一號風球作結，但今日天氣好已很不錯吧！生日有家人一起便是快樂唷！唔知出年又如何呢？

哈，今年第二份生日禮物係大口仔8達通套，多謝朋友的禮物唷，hoho