雲...
咁多年既感情問題...都無可能單單幾句就解決清楚
好多都要互相就對方...可能現在你無需要就我而已

星期六你考完試果日..係我最傷心最傷心既一日...
都係我下決心想放棄既一日...因為我期待你考完試..會打俾我一齊分享考完試果種開心感覺...
我一路等...打俾你係打唔通...直到4點幾...打得通..不過你同某人行緊街..
果陣我覺得自已完全好似一個局外人...一個路人甲...
果陣時諗到好多好多野...究竟你話想同我一齊..係咪真既呢??
我同你以前一齊咁耐..係咪連丁點感情..到而家你已經完全無哂呢??
點解你考緊試以黎...我一路打俾你...一路支持你讀書...點解到最後..我係變左一個無相干既人..
而你就無諗過我既感受...去同你男朋友去街...
點解連少少安慰打俾我分享你既開心...咁簡單既喜悅都唔留俾我....


我都會諗...點解我要做到咁樣...我同你既六年感情...係咪都比唔上而家你既男朋友...
到最後你行完街...夜晚10點幾先打俾我...我唔係要咦d施捨既行為呀...
所以星期日...我無搵到你出街....想作出一d抗議......

星期一你搵我出街....講真我係已經放棄左一半....一路同你出街..一路都諗好多野
我同你既關係...究竟係咩關係呢...我知道你好難答...而家已經唔駛你再諗點樣答啦...
好對唔住....要你自己返屋企...我自己係尖沙咀碼頭一個行....
d眼淚真係忍唔住一路流出黎....因為我知道會好快同你講清楚我會放棄...
我放棄唔係因為我唔再鐘意你...係因為我唔鐘意而家咁既關係...
不過唔怪得你...係我以前唔珍惜...我係好衰...無左先珍惜...

因為你一句話"想同返我一齊"...而我一路好耐心咁等你...就算你平安夜唔陪我又好...25號唔陪我又好...
我都唔介意...只不過連我一d好普通既朋友...都會打俾我講聲"平安夜快樂" "聖誕節快樂"
唯獨欠你既一句....我真係連係袋鼠佢地面前...都會流淚...
講真...我而家係一路喊住一路打email俾你...
點解我要做到第三者咁樣...我只係想好簡單好簡單咁一齊
就算連好簡單既安慰都無...究竟我係你心目中算係乜...
我咦幾晚都去飲酒...真係因為唔想記住你諗起你...記住你同你男朋友一齊渡過平安夜...聖誕...

我係好矛盾...心入面係好想好想同你一齊...但係明知你係好被動既人
因為你係被動既人...所以我都知我地無可能一齊返...
就算你點講都好...你係無可能會同你男朋友講散

倒不如我唔搵你...就算點傷心都好...就算點喊都好...都總會有淡忘既一日...

我就係d咁既人...我付出左...都想你體諒我我既付出...
無奈...原來我唔搵你...你真係唔會搵我...今日我真係好傷心...
大口一路開解我...我一路係度喊....我亦一路望住手錶...一路望住手提
期待你會打黎...或者send 留言俾我...至少...at least一句聖誕快樂...

對唔住..我真係忍受唔到....我地而家咁既關係...可能同你一齊六年/\..
習慣大家咁close既關係...
我諗我陪唔到你睇演唱會...
而千樺兩套新戲...相信你都無諗住會同我去睇...

希望如果有轉機既話...你會決斷d...
如果無轉機既話...乾脆一句"好朋友"算啦....

以前我都後悔咁對你...不過算啦...你永遠都係陳玉雲...都係我最鐘意既人......

拜拜....