1. 嘗試改變佢 / 等佢變 ... ( 唔使等啦！)
如果你令一個人改變黎配合自己，代表你唔愛佢，因為你只係愛一個你想像出黎既人，既然係咁，不如放手，機會成本既理論，你放棄左現任男朋友，務求搵下一個比今次既更迎合到你所想要既人
2. 改變自己 ... (使鬼咩？)
同樣道理，假如要自己改變黎迎合佢，辛苦自己但又未必可以討好佢，唔自然既改變會令自己無自我形象，為左個愛自己多過愛你既男人，我覺得唔值囉！
3. 忍 ... (忍得多會影響情緒！)
為咁少事而動氣係唔值，但死忍而唔係包容，就會影響情緒同日常生活，因為人會受情緒判斷影響分析能力
4. 走 ... (係逃避既走定係放棄既走先？)
要說服自己，不係指話自己唔愛佢，只係為左大家既將來著想，希望大家搵到個更適合大家既另一半啫！愛一個人唔係佔有，而係付出，當日後你搵到個比佢適合你既另一半時，而你又見佢身邊有個伴，你會覺得放手既決定係啱！記得千祈唔好為左拍拖幾多幾多年而放棄日後青春，早啲放手趁後生，仲有大把機會呀！