個個都成日話玩ICQ，有親0的咩都話要留返ICQ先至傾，面對面講好似要死咁！所以我成日都被迫要上ICQ，而呢個恐怖0既故事就隨住ICQ而展開……

話說有一日，地理科要我們3個3個一組做報告，本來諗住同埋兩個死黨放學之後，去圖書館傾0下個報告諗住點做，一方面可以隨時

搵到資料，另一方面又有冷氣嘆，都不知幾爽！點知其中一個朋友話想早0的返屋企，有咩就今晚留返ICQ先傾。

到0左夜晚，我們3人約好0係ICQ見面。上到ICQ，除了我兩個朋友之外，仲有0的唔識0既人撩我傾偈，我通常都唔會理佢0地，今晚

都唔例外，我淨係想快0的傾完，快0的Offline走人。

結果一傾就傾0左4個幾鐘，差不多成兩點幾，跟住我就同另一個Friend Offline先，淨返0個個最鍾意ICQ個Friend Online，臨Off

之前，我仲同佢講：「你都唔好On咁耐，不如早0的0抖啦，成日玩ICQ冇益呀！」結果Offline之後，我就同另一個Friend講電話，

直到差不多4點幾先至上床訓，而另外個Friend當然係繼續佢0既ICQ活動啦！

到0左第2日返學，鍾意玩ICQ個Friend一見到我就即刻走埋0黎問我有冇事，我諗爆腦都唔知發生咩事，跟住佢就同我講，話我成晚0

係ICQ度話好想死，不如約埋一齊死，就連死0既時間、地點、同埋點樣死都諗埋，搞到佢不知幾擔心！

跟住我同佢講：「Offline之後，跟住我成晚傾電話，根本就冇再Online，又點樣同你講我想死呀！」點知個Friend話：「我都覺得

奇怪，呢頭你兩個話Offline，點知轉頭又On返，跟住你仲同我Say Hi，講講0下就開始同我講話想死喇！」

唔使我再多講，大家都知道發生咩事，原來0的靈體最鍾意就係透過某0的媒介，好似電腦、電視、收音機，同我0地傾0下偈，抒發

一0下佢0地0的經歷同埋感受，如果下次大家遇到同樣情形就醒水啦！