To my Dearest:
我地既承諾好似實行哂啦,我地話過要一齊捐血,你應承過我一個月後(13/8)唔會失蹤,你比過開心快樂我,但係我感覺到你開始厭,你話係唔係呀?我知我太緊張你只係會比到壓力你,但係我唔想架,邊個女仔唔想了解自己個男朋友,邊個女仔唔想個男朋友承認自己,邊個女仔唔想男朋友對自己好?我不嬲都係咁,一係唔愛,一愛就好緊要同埋好投入,初初開始果陣我覺得自己好幸福,你無工返,唔係好多錢送野比我,同我去玩,不過我都唔介意啦,你悶同d女仔傾留言板我都妥協左,你只要我感覺到你理我care我,打個電話比我都可以好開心,不過點解你會變左架?電話又唔打比我,留言又唔覆,依家就連我打比你都無聽到,唔好比籍口我話訓左,再又或者睇緊波,你知我係一個好易滿足既人,晚晚訓覺之前聽到你打電話已經好開心,點解依家會無左?打一個電話之嘛,你最近有無睇過我d日記呀?我都唔知自己可以寫d咩,日日都係果一句:"佢尋晚又無打比我啦",你話我亂咁諗野,講真,點到我唔亂諗喎, 任何女仔都會呷醋,留個言比你果時見到你咁多女仔留言你估我唔驚咩?我條件又唔係好,真係好驚有一日會比人搶左你,所以先咁緊張...唔洗理我架啦,唔好當睇唔到啦...你可以覺得我發癲,你以我角度黎諗就諗得通,就會明白架啦,我唔會再煩你,唔會再send sms或者留言比你,你鐘意或者得閒先打電話比我啦,我都唔想再等你電腦,我真係阻住你或者煩到你既話,對唔住!!!我希望係我諗多左啦,我真係好希望可以同你長久....I love you!!!