2003年08月20日
17/8/2003
尋日返到屋企仲開開心心,不過之後到左夜晚12:00幾佢無聽我電話,佢info又改左話有人中傷佢,咩事呢??我都好想知,不過今次我覺得同佢係無架啦...今日我打左電話比佢又無聽,我打左一大篇野講左我既感受出黎,再整左條link落佢板板,點知...我click返自己板板睇,無左個留言,我留一個佢delete一個,最後,我留唔到言比佢,佢絕到放左我落blacklist,我好傷心,個心好痛,一段感情咁就無左啦...我send左sms比佢,我諗佢都無睇到架啦,估唔到一個人絕起上黎會咁絕...
18/8/2003
今日我又係咁返工,不過好辛苦,星期六同佢行causeway bay,一日之後自己一個人行返果條路,個心好痛,好想返屋企...係公司望到個針窿諗諗下我走左入toilet喊,好辛苦,個心好痛,早餐食左少少就唔想食,lunch又無食到,我唔想行causeway bay諗咁多野,所以行左去天后,到左放工仲慘,我慣左一落到樓打比佢,不過我知打比佢都無用,所以無打到,一路行去搭車個心一路痛,最後上到巴士終於喊左出黎,係火車度仲喊得好勁,一滴滴眼淚咁流出黎,到依家我仲好心痛,點解會突然死亡架?
19/8/2003
今日下晝又食唔落野啦,咁我又四圍行街,我沿住上次同佢係世貿兜左個圈,再行過金百利,百德新街,再望下個捐血站,再望下手上面個針窿,突然之間眼紅紅,我又喊啦....垂低頭一陣間,我向住公司個方向行,見到california擺road show,$150任做gym一個月,咁我諗一諗決定係依一個月入面日日去做gym,唔好比自己有多餘時間諗返轉頭,唔會再比自己再喊,我要努力企返起身!!
} else { ?>
☆CC☆ 只跟部份人分享這資訊。