My dearest,
同你分開左話咁快就一個禮拜啦,係呢?你係屋企悶唔悶,有無出街行下呀?記得初初無左你真係好唔習慣,有時無啦啦會喊添,到依家我已經好返好多,我過得好好,不過我生活過成點你都唔會關心架啦...最近我好有決心做gym,尋晚做到好累好累,返到屋企食左少少野就訓左...無左你最大得著就係個人瘦左,上個禮拜成個禮拜都無食lunch,足足瘦左10磅,真係多謝你!
記唔記得16/8我地去捐血呀?尋日我行過銅鑼灣捐血站諗返起果日發生過既事,果日係我最後一日見你啦...望一望捐血個傷口,隻手到瘀左,不過就散瘀,得返個唔明顯既針窿,依家黃黃黑黑咁,如果你知道左你一定會話我好渣,哈哈~我話過當我散哂瘀就會忘記你,不過真係唔忍心,有時諗返起你個樣除左會覺得好無奈之外仲會有一絲笑容...你3個月捐一次血,我4個月捐一次,到左下年16/8我地會唔會又一齊捐血呢?
其實點解你會離開我?你一直都無交代過,係我做得唔好定係我太煩,益話你變左心定係你有第2個女朋友??我都唔想再諗,你開心就ok架啦...之前我send既sms同埋message係咪令到你好嬲?係既話我同你講聲sorry囉,我無心架!!
中秋節就到啦,之前話買比你盒月餅仲係我度,我都話1個月好難過架啦,最後咪送唔到比你媽咪...唉~
好啦,依封信我都唔知你會唔會睇到,點都好,希望你永永遠遠都開開心心啦!!
Love,
CC