2004年04月18日
依幾日好唔開心,尤其係今日,唔知你知唔知呢?
尋晚可能係短期內我最後一晚係你度過夜,所以我夜晚12:00幾都偷走出黎,即使你地打緊牌無可能有時間理我,我都覺得無所謂...但係最後真係好唔開心
記唔記得上次我嬲你掛住玩無打電話比我?果次之後我了解你深左,好多野都知道自己應該點做,但係原來唔係咁簡單架......我知你鐘意去玩,玩既時候就會咩都唔記得哂,咁我明白,我接受到你去玩可以完全唔記得我,我應該比私人時間你,但係唔係玩既時候呢...?!果次我唔係唔信你,係你話12:00幾就返,點知3:00都未返到我擔心你,驚你有意外,我等到係你屋企喊你又知唔知?你返到黎我扁哂咀發脾氣唔係因為唔鐘意你出去玩,你知道嘛?
有時我真係feel唔到你係咪真係鐘意我,唔明點解你會同我一齊,一切都好自然...初初我真係覺得你好錫我架,日日lunch time都有打比我,上次我病左你又好緊張,又買粥比我食,我真係感動到想喊,但自從我無工返,日日朝早上黎,之後我開始覺得你同之前唔同,可能你覺得日日都見,無必要打電話比我啦,又可能驚我未訓醒...但我真係好care你有無打電話比我,你打比我即係掛住我...我都好想打比你,但係又好驚阻你做野...
早幾日我病得好緊要,返到屋企飯都無食就訓,電話就放左係床邊,好想你打黎問候一句,不過...係chatroom見到你一句away就走左去打機...我好唔開心,1:00幾send左個sms比你之後就去左沖涼,之後見你覆返我個心先好過d...
我知你係一個唔係好識表達自己情感既人,我都了解,但係我好想你明白一下我既感受,我對你好你feel到幾多?可能我地好少機會溝通啦,我又係鐘意將d心事屈住係心既人...具體d講句,我想你多d care我...唔知你做唔做到
下個禮拜開始都少左好多機會見面架啦,我又整唔到果d難食既早餐比你食喎,但係我希望你會掛住我啦...I miss you
} else { ?>
☆CC☆ 只跟部份人分享這資訊。