2004年08月04日
今日lunch time行去書局見到有好多學生,有買緊新學期既書,更加有好多三五成群趁暑假出街行下街,出去玩下......
我對上一個真真正正放既暑假已經係6年前,當年1998年我第一年考完會考,之後有一個好漫長既暑假,我同媽咪去泰國旅行,都係人生中第一次搭飛機離開香港,心情當然興奮......但係到8月份,會考放榜,我忙於搵學校repeat,好彩1個星期後,我報左新法書院,都可以鬆一口氣,再次過我未過完既暑假直到開學.....
1999年,又考完會考,但我既暑假已經比其他同學過得快,因為我搵到工,係一間幼稚園做助教,而且幼稚園暑假比中小學短,放榜前我已經返緊工,放榜當日我仲要趕返幼稚園返工.....
2000年,我已經唔係以一個學生身份放暑假啦,暑假我都要返學校當值,開會......我既身份係一個老師
2001年,幼稚園收生不足,我唔好彩比人裁左出黎,咁岩舅父公司請文員,我更加無暑假放,除星期日外日日都要返工.....初初都好唔習慣,因為年年都有長假放,而且人工仲高好多
2002年,我仍然係一個文員,更加無暑假放啦.......
2003年2月-7月,我放左一次長假........因為公司清盤再加上sars,我失業又搵唔到工,只係5月份係HSBC做過1個月temp,之後又失業......7月......一生人最特別既一個7月......當時無所事事,記得有一晚我飲醉酒,check留言板見到個電話號碼就打左去,點知同佢傾左5個鐘,第3日就約左出黎見面,之後有發展機會,記得當時我同佢都失業,2個人約星期一睇戲,真係好開心,人地返工我地又有得出街玩........7月尾,我搵到工返,我既長假就過去,而佢就繼續放佢既長假.......到左8月中,唔單止我放完長假,而我同佢之間既感情隨住佢失蹤而結束......2003年......一生人最難忘既一個暑假
2004年.....4月份我都放左一個月假,但係當時發生既事我都唔想再記起,唔想再提,當失憶算數啦.....
今年暑假,我真真正正搵到份工,暑假期間睇住學生放假,我同時亦覺得自己老啦,我指既唔係年紀,而係心態........諗起以前期待暑假來臨,到左暑假中段又期待返學,感覺非常強烈,可能好想見到同學仔,又可能暑~假太長太悶啦,一年又一年,.....由幼稚園幼兒班到中五畢業,咁就過左13年既暑假
暑假.........我唔渴望,但我懷念
} else { ?>
☆CC☆ 只跟部份人分享這資訊。