My Dearest Jerry,
我同你復合左就黎一個月啦,不過我覺得你變左好多,其實你有無真係鍾意過我?
上次我胃痛到好辛苦,一offline就諗住你會call我,點知...第2日成6:30先call我,咁如果真係有咩事,你都唔會知架啦,你根本唔緊張我...又好似星期日,我朝早買早餐比你食,之後你5:00call我,我話想見下你,咁我8:00過到旺角一個人等到10:30,就係等你打電話比我,為左見你一面咋...我晚晚都online到成2:00am幾,都係為左係icq同你傾幾句咋...不過等極你都無online,invisible左我?定係點呀??
我好想聽到你把聲,又唔想阻你做野,你個電話又比人cut左,我又搵唔到你,之前你病左,我真係好擔心你,好想搵你照顧你,不過又call唔到你,唯一可以做就係待等你電話,我要既野好basic咋,一日一個電話,就算見得少都唔緊要,不過你真係做唔到,有好多野我好想同你講清楚,不過我地根本無溝通,我唔知你個心諗緊咩,你個心又唔知我諗緊咩,咁大家關係點會長久?好多時我做左好多野,都係想你知道我對你有幾好,識左你之後我個人都變左好多,好多野我以前唔會做架,好以前唔會請假出黎陪自己男朋友,講假幫男朋友做野,買早餐,接你放工....等等
最辛苦係無了期咁等電話,一日又一日,初初我都會為左等唔到你電話而唔開心,不過,漸漸我麻木左啦,個心痛慣左啦,你唔打比我,我咪自己搵節目囉,不過...個心始終都係咁難過...
我唔係驚你出面有第2個女朋友,我好相信你...不過,我係忍受唔到你既忽冷忽熱,出到黎咪熱囉,見唔到咪冷囉,有時我都知你返工返得好辛苦,根本無心機同我行街去玩,咁我都唔緊要啦,見一見你,出黎食一食飯都好丫,不過...次次都係我搵你先有得見一見面,咁係你唔想見到我定係點呀??今次仲辛苦過上一次,上一次你唔係咁架,你好緊張我,成日都打比我,點解今次會變成咁架...你想點?唔該你話我知呀,你想分手??話我知啦,我唔想再咁比你折磨落去呀...