其實我無咩朋友,所以中三果年先會開左好多交友網既ACCOUNT
一直以黎,只有學校同學係我朋友,所以好想有D其他圈子朋友
而家都多左唔同層面既朋友仔,不過真係網上傾計多過見面
有我最鐘意既詩社朋友仔啦,雖然唔係成日見
由初初詩社成立,1個月見一次,到大家都好忙,兩個月,半年以上一次
仲有社運方面既朋友仔,基本上都係示威遊行時識,無錯哩D朋友仔係好岩傾,
大家有共同既目標,志向,但通常都都係集會時見面,之後又係靠網絡聯繫
我本人係好需要有一班,可以成日見面,關心我既朋友們。可惜中學時既好友大多忙於學業,又係勁小見。
原來長大了,人係會各有各忙,情仍在,但就唔可以成日見得到面
愛情上,我未真正拍過拖,我唔知自己係咪一個痴身既女朋友
但我愛一個從來有多無小,愛到人地頂唔順先分開
你問我係咪好想拍拖,講真有邊個女仔唔想
由我中學衹有互相喜歡
到我過左18歲都仍然幻想,命中注定既另一半會出現
我曾經懷疑過月老係咪忘記為我牽紅線
我哩一生係咪唔會遇到互相鐘意,又可以係埋一齊既人
等呀等,又過左3年幾,一個男仔都無遇上
又無人鐘意我,我又無再鐘意新既人......
我都唔知以後既路會點
朋友總會再遇上,但愛我既人,真係唔知係天涯何處