今日唔知發生乜野事, 我既老人痴呆症又發作啦, 仲要係兩次, 詳細既內容:

今日放工返屋企, 落車個陣, 摸下個衫袋, YEE, 條鎖匙呢?? 唔向衫袋到既? 左摷摷, 右摷摷, 都搵唔到喎.即時職業病, 諗下又要額外支出幾多錢呢? 突然之間, 又搵到喎…拍拍拍, 原來個衫袋, 穿左個窿, 佢跌左落個暗格到…..係咪知我鍾意失而復得既感覺呢..? 我近幾個月成日同同事講, 如果唔諗住俾既, 就唔好俾個希望俾人, 更手又俾個失望俾人嘛….希望越大失望越大, 妳唔係唔明嘛 (妳唔係唔明嘛, 我講緊, 公司出花紅個件事)?

跟著, 晚上去左跑步(近五日黎第一次跑), 跑跑下, 發覺, 點解唔見左個電話既? 弊啦, 即時又職業病發作, 諗下又要洗多幾多錢去買過部電話(實情應該要買好耐, 你都服役左好耐,係時候要退休啦)….沿路搵都唔見, 連我入過去個個洗手間都搵過, 無喎…無計啦, 打定輸數, 但係又唔心息….又返返去沿路搵, 又再重踏洗手間, 向到喎, 仲有個後生仔同我講, 乜係你架? 擺左向到好耐…..天意呀, 假如愛有天意..

我又越黎越覺得我就黎中六合彩頭獎啦, 依輪成日發白日夢, 中左, 我仲返唔返工呢? 答案: 當然返啦, 可以隨手所欲咁寫我想寫既野, 可以不畏強權高壓管治. 為民請命….

所以依個故事教訓我地, 未到最後一步, 都唔好認輸. 我要開源節流~~

6年零8日啦, 我在弊公司的日子